Փաստ ինֆո

Դիլիջանում տարբեր մանկապարտեզներում ու դպրոցներում բոլոր նրանց նկատմամբ, ովքեր մասնակցում են «Տավուշն հանուն հայրենիքի» շարժմանը, ճնշման միջոցներ են կիրառում։ Պահանջել են աշխատանքից ազատման դիմումներ գրել, իսկ ընդդիմացողներին հրաժարվում են աշխատավարձ վճարել։

«Մարդկանց ասել են՝ աշխատավարձ չենք վճարելու, նման սպառնալիքներ են հնչել»,-ասաց Սրբազանը՝ նշելով, որ նման ահազանգեր են ստացել, որոնց վրա հրավիրել է տեղի իրավաբանների և դատախազության ուշադրությունը։
«Պետք է իրենք հասկանան՝ նման բան եղել է, թե ոչ, մարդկանց ազատ կամքի վրա բռնանո՞ւմ են, թե՞ ոչ։ Համոզված եմ, որ ճնշում են»։

«Փաստինֆոն» ավելի վաղ տեղեկացրել էր, որ քաղաքապետարանը նման սպառնալիքներ հնչեցրել էր, և այժմ անցել է սպառնալիքներն իրականացնելուն։ Մեր աղբյուրի փոխանցմամբ՝ հրաժարվում են ֆինանսական հատկացումներ անել իրենց ենթակայության ներքո գտնվող մի քանի հաստատությունների, որոնց մի քանի աշխատակիցներ չեն ենթարկվել աշխատանքից ազատվելու պահանջին։ Քաղաքային իշխանությունները, թերեւս, անկնկալում են, որ նման պատժամիջոցներով մյուս աշխատակիցներին կտրամադրեն իրենց գործընկերների դեմ։

Հատկանաշական է, որ սա հակառակ ազդեցությունն է ունեցել և աշխատակիցները իրենց գործընկերների դեմ դուրս չեն եկել ու իրենց աջակցությունն են հայտնել գործընկերներին։ Արդյունքում, մարդիկ ոչ միայն հրաժարվում են դիմում գրել, այլև պնդել են, որ եթե անգամ իրենց ազատեն աշխատանքից, իրենք դատական կարգով վիճարկելու են այդ որոշումը։

Աղբյուր` Փաստինֆո