Փաստ ինֆո

Առիթն օգտագործելով ուզում եմ կոչ անել մեր ժողովրդին ժամը 15.30–ին լինել Բաղրամյան պողոտայում, որովհետև ժամը 16.00-ին ԱԺ խորհրդի նիստն է ու մենք մեր խնդիրների կատարմանը պետք է անցնենք, այնպես, ինչպես սահմանել ենք։ Այս մասին այսօր Բաղրամյան պողոտայում ասաց Բագրատ Սրբազանը։

Անդրադառնալով նախօրեին ԱԺ-ի մոտ ոստիկանության պատճառաբանություններին, թե հնարավոր է, որ ինչպես ԱԳՆ-ում էր՝ շենք գրավելու փորձեր լինեն, Սրբազանն ասաց, որ իրենք երբևէ շենք գրավելու մասին չեն խոսել։ «Այդ շենքերը մերն են, դրանք գրավելու կարիք չունենք մենք, բայց հաշվի առնելով իրենց ցուցաբերած վարքը, հատկապես մի քանի ղեկավար կոչվածների՝ ամեն բան պարզ է, բոլոր գործողությունները անօրինական են։ Բնական է, որ մենք մեր օրինական պահանջները իրացնելու ենք»։

Անդրադառնալով իր՝ վարչապետի պաշտոնում առաջադրման հետ կապված սահմանադրականության խնդրին՝ նա նշեց. «Իրականում, դա ինձ համար խնդիր չէ, կարևորը արդյունքն է, իսկ արդյունքը պետք է լինի այս մարդու հեռացումը, կամ հեռանալը, կամ հեռացումը, ուրիշ ճանապարհ չկա։ Այս մարդկանց ամենամեծ սարսափը այստեղ հավաքված հաստատակամ ժողովուրդն է, որ գիշերը տուն չէր գնում, իսկ ոստիկանական շարքերը խելոք են, իրենց գործառույթը կկատարեն»։

Աղբյուր` Փաստինֆո