Փաստ ինֆո

Ազգակործանի ուսապարկերն ասես օդից իջած լինեն, հրապարակում իրենց շուտափույթ հրաժարականը պահանջող ժողովրդական հսկայածավալ ընդվզումը տեսնելուց հետո անգամ՝ արմանք-զարմանք են կտրում․ քպական ոմն պատգամավոր, օրինակ, իրենց լեգիտիմ է համարում, թե բա՝ ժողովուրդը մեզ 2021-ին ընտրել է․․․

Եվ սպասում է, որ կոնկրետ հաշվարկով /այնքան կոնկրետ, որքան վարչական ռեսուրսով և մարդկանց մուրճով ահաբեկելով, տեղական սոցծառայությունների միջոցով ծայրը ծայրին հասցնող ժողովրդի հասանելիքը որպես պարգև նրանց տրամադրելու համատեքստում՝ քվեներ մուրալու չափ/ 680 հազար մարդ պիտի դուրս գա, որ նոր բարեհաճեն հեռանալ։

Անգամ եթե ընդունենք, որ 680 հազար ձայն եք ստացել երեք տարի առաջ, ի՞նչ է, այդ ժամանակ ձեր նախընտրական խոստու՞մն էր, և որպես ծրագիր ներկայացրե՞լ էիք հանրությանը, որ Արցախն առանց կրակոցի հանձնելու եք ադրբեջանին, որ ժողովրդի մեջ տագնապ գցելով և արագի մեջ Արցախից հանելով 2-3 օրում ի կատար էիք ածելու ալիևյան երազանքը՝ առանց կրակոցի ամբողջական Արցախին տիրանալու։ Իսկ Հայաստանում Արցախի մեր հայրենակիցներին ուղղակիորեն բախտի քմահաճույքին էիք թողնելու, պետականորեն նրանց տրվող չնչին աջակցությունն էլ օրեցօր կրճատելով՝ ասես ձեր գրպանից եք տալիս․․․ Մեր գերիներին էլ իսպառ մոռանալով։ Այն դեպքում, երբ ալիևն իր մարդասպանների համար է կռիվ տալիս և արագ ստանում։

Թե՞ 2021-ի նախընտրական ծրագրով էիք նախատեսել Սյունիքի և Տավուշի գյուղերի հանձնումը, մարդկանց տնազուրկ, հողազուրկ, հայրենազուրկ դարձնելը, առանց սահման գծելու և զատելու Հայաստանի սահմանային բոլոր բարձունքները, մեր արոտավայրերն ու ջրերը թշնամուն հանձնելը։

Ո՞ր օրենքով, Ալմա-Աթիում բացակա և խորհրդային ադրբեջանը մերժող ազարբայջանի՞։ Թե՞ հայկական սահմանային գյուղերի՝ հայահունչ անունների փոխարեն՝ ադրբեջանական ինչ-որ անուններ հորինելով՝ հարևանի ունեցվածքին տեր դառնալու համար։

Քանզի գտածո է էս թրքասեր-թրքահպատակ իշխանությունը․․․

Իսկ մի՞գուցե Ջերմուկի վրա թշնամու հարձակման ու ադրբեջանական բարբարոսությունների դիմաց ձեր խեղճուկրակության մասի՞ն էիք ժողովրդին հայտնի արել, բանակը վերջնականապես կազմալուծելով՝ զորանոցները միտումնավոր չկահավորելով, վաստակ ունեցող սպաներից ազատվելով, ամբողջական զորամասեր լիկվիդացնելով պոտենցիալ զինվորներին էլ մահակ ճոճող բերետավորների վերածելով․․․

Ձեր գործած ավերը անչափելի է, այդ ավերի տիրույթները՝ բազմաթիվ։

Գոնե լռեք, պապանձվեք, հող ու հայրենիք հանձնողներ։ Եվ հեռացեք վերջապես․․․

Աղբյուր` Փաստինֆո