Փաստ ինֆո

Այս իշխանությունների օրոք մենք կորցրեցինք Ղարաբաղը որպես պետություն, որպես տարածք, որպես հայրենիքի մաս, այսօր Արցախ գոյություն չունի, այս իշխանությունները Արցախը սկուտեղի վրա հանձնել են Ադրբեջանին: Նույնիսկ իր ամենալավ երազում Ադրբեջանը չէր կարող պատկերացնել, որ նման իրավիճակ կստեղծվի: Այս մասին ֆեյսբուքյան ուղիղ եթերում ասաց ԱԳ նախկին նախարար Վարդան Օսկանյանը։

«Այս իշխանություններին հաջողվեց դա անել, նրանք Արցախը դատարկ հանձնեցին թշնամիներին: Այսօր Ադրբեջանը ներխուժել է ՀՀ սուվերեն տարածք և դրա դեմ ոչինչ չի արվում: 4000 զոհ են տվել, երիտասարդները զոհվել են այս իշխանությունների վարած սխալ քաղաքականության արդյունքում, 10 հազար երիտասարդ հաշմանդամներ կան և սա դեռ ամենը չէ, սկսվեց Կիրանցից, մենք շարունակելու ենք տարածքներ տալ, միգուցե միջանցք էլ տան, միգուցե 200-300 հազար ադրբեջանցի գան, օրեցօր փոքրացող Հայաստանի տարածքում ապրեն։ Երբեք չզարմանաք, որ տեսնեք` մոտ ապագայում այս ամենը իրականություն դառնա »,-ասաց նա՝ ընդգծելով, որ սա դեռ բոլորը չէ և ի լրումն այս ամենի, որպեսզի կարողանան այս ամենը կայուն և ընկալելի դարձնել փորձում են փոխել այս ժողորվրդի էությունը, ինքնությունը, ԴՆԹ-ն և այդ գործընթացը սկսել է, «Օվերտոնի պատուհանը» բացվել է, Արարատը ի սպառ վերանալու է, Արցախ անունը տվողները, Ցեղասպանության պահանջատիրության հարց բարձրացողները կարող են լուտանքների ենթարկվել, անգամ՝ պատժի:

Աղբյուր` Փաստինֆո