Փաստ ինֆո

Ինչպես է գեներալական կոչում տրվում մի ծառայության պետի, որի պաշտոնը բարձրագույն սպայական չէ» ,- ՀՀ ԱԺ Պաշտպանության և անվտանգության հարցերի մշտական հանձնաժողովի նիստում ասաց ԱԺ պատգամավոր Գեղամ Մանուկյանը՝ դիմելով ՀՀ պաշտպանության փոխնախարարին։

«Ձեզ վստահեցնում եմ, որ չի կարող լինել ոչ իրավաչափ գործընթաց։ Ձեր նշած պայմաններում անհնար է գնդապետի համար նախատեսված պաշտոնը զբաղեցնող որևէ մեկին շնորհել գեներալի կոչում, դա ընթացակարգեր է անցնում»,- արձագանքեց փոխնախարար Սարգսյանը։ Պատգամավորն ասաց, որ հանձնաժողովի մեկ այլ նիստում նշված հարցն ինքը տվել է նաև ՀՀ ԶՈՒ գլխավոր շտաբի պետին, ով սույն թվականի մայիսի 28-ին ռազմատեղագրական ծառայության պետին գեներալի կոչում շնորհելը բացատրել է, որ ինքն է առաջարկել՝ ասելով,թե առաջիկա 10 տարիներին սահմանագծման հարցը շատ կարևոր է, դրա համար էլ ինքն առաջարկել է, որ գեներալի կոչում տրվի ռազամատեղագրական պետին։

«Գեներալի պաշտոնը տալիս են՝ համաձայն կանոնակարգի, համաձայն օրենքների, համաձայն կառավարության որոշումների, ոչ թե ճաշակով, վերջին պահին, որովհետև նախագահի հրամանագիրը՝ մյուսներին գեներալի կոչում տալու համար, եղել է մայիսի 24-ին։ Վերջին պահին, մայիսի 28-ի առավոտյան նոր հրապարակում են նախագահի հրամանագիրը՝ ռազամատեղածառայության պետին գեներալի կոչում տալու մասին», - ասաց Մանուկյանն ու վստահեցրեց, որ անձնական ոչինչ չունի գեներալի կոչում ստացած Սերգեյ Պետրոսյանի հետ, պարզապես ինքը հարցում է արել վարչապետի աշխատակազմ ու ստացել պատասխան, որ մինչև 2024թ.-ի մայիսի 27-ը երկու փոփոխություն է եղել Պաշտպանության նախարարության բարձրագույն սպայակազմի ցուցակում, ՀՀ ՊՆ նախարարի տեղակալի պաշտոնն է հանվել բարձրագույն սպայական կազմից, բայց կառավարությունը մինչև 27-ը չի կատարել որևէ փոփոխություն, որի հիման վրա ռազատեղագրական ծառայության պետի պաշտոնը կհամարվեր բարձրագույն սպայական պաշտոն»,- նշել է պատգամավորը։

Աղբյուր` Փաստինֆո