Փաստ ինֆո

«Բերետների գույները լարվածություն են առաջացնում, կարելի է այդ համազգեստի հետ մեկտեղ կարգավորել նաև գույների նկատմամբ զգացմունքները և ունենալ ավելի ներդաշնակ իրավիճակ»,-«Ոստիկանության զորքը նախկինում խառնում էին պաշտպանական խնդիրների հետ (նկատի ունի ՀՀ ԶՈՒ-ն- խմբ)։ Նախկինում այդ խառնաշփոթն անգամ օգտավործվել է եւ մենք Շուշիում տեսանք, թե ինչպես կարող է չպատրաստված ոստիկանական զորքը կործանվել։ Կամ զորք ես կամ ոստիկանական ֆունկցիա ես իրականացնում»,- ՀՀ ԱԺ պաշտպանության և անվտանգության հարցերի մշտական հանձնաժողովի նիստում Ոստիկանության գվարդիայի մասին օրինագծի քննարկմանն ասաց հանձնաժողովի նախագահ Անդրանիկ Քոչարյանը՝ նշելով, որ գվարդիայի ստեղծմամբ այդ խառնաշփոթի հարցը կկարգավորվի։

«Երբ խառնում ենք իրար՝ ոչ զինվորականն է զինվորական մնում, ոչ ոստիկանը՝ ոստիկան»,- նշել է նա։

Ավելին, Ա. Քոչարյանի կարծիքով, գվարդիան պետք է հագեցած լինի նաեւ հատուկ տեխնիկայով, ինչին պետք է անդրադառնան օրինագծի երկրորդ ընթերցմամբ քննարկման ժամանակ։ «Գվարդիայի հատուկ տեխնիկա ասելով մենք շատ բան նկատի ունենք, միայն չերյումուխաները չեն, այլ տեխնիկա՝ նախատեսված գվարդիայի առջև դրված խնդիրների բնույթին համահունչ։ Գվարդիան նաև մասնակից է լինելու հակահաբեկչական գործողություններին, իսկ ահաբեկիչներն ինչ ասես օգտագործում են, հետեւապես գվարդիան պետք է օժտված լինի դրանց կանխարգելմանը, ոչնչացման և ներքին կայունության ապահովմանը» , - ասաց Քոչարյանը։

Նա առաջարկեց ՆԳ փոխնախարար Ա.Սարգսյանին՝ օրինագծի առաջին ընթերցումից հետո անդրադառնալ հատուկ տեխնիկայի նկարագրին։ «Տեխնիկայի մեջ միայն կրակողը կամ պզցնողը կամ էլեկտրաշոկը չէ»,- ասել է Քոչարյանը։

Աղբյուր` Փաստինֆո