Փաստ ինֆո

Սրբազան շարժումը մարտավարության առումով ճիշտ որոշում է կայացրել, քանի որ ցանկացած հրապարակայնացում, և քայլերին իշխանությունը պատրաստվելու է և հակաքայլով պատասխանի։ Շարժման նախորդ երկու փուլերը արդյունավետ էին։ Այս փուլում կարևոր է հանդիպումներ ունենալ Հայաստանում հավատարմագրված դեսպանների հետ։ «ՓաստԻնֆոյի» եթերում ասել է ռազմական փորձագետ, պահեստազորի գնդապետ Հայկ Նահապետյանը։

Բանախոսի դիտարկմամբ, միջազգային կառույցները և երկրները պետք է արձագանքեն ոստիկանության գործողություններին։ Ն․ Փաշինյանի անպատժելիությունը առաջին հերթին բխում է ԱՄՆ-ի և ԵՄ-ի դեսպաններից՝ իրենց պասիվ, կամ, կարելի է ասել, Ն․ Փաշինյանի իշխանությունը պահող կեցվածքից։ Որպեսզի դա վերանա՝ պետք է համապատասխան ճնշում լինի։

Փորձագետը կարծում է՝ որքան շատ ոստիկան՝ այնքան Ն․ Փաշինյանը վախենում է։ Իշխանությունները վախերի մեջ էին, մինչև պաշտոնական այցով Հայաստան ժամանեցին ԱՄՆ Կենտրոնական հետախուզուական վարչության տնօրենի տեղակալը և պետքարտուղարի տեղակալը ևնրանց արհեստական շնչառություն տրվեց։ Մինչ այդ և՛ Ն․ Փաշինյանը, և՛ իր քաղաքական խմբակցությունը ոչինչ չէին խոսում։ Այս մարդկանց ժամանումը ցույց տվեց, որ պատրաստակամ են պահելու Ն․ Փաշինյանի վարչակազմը։ Սա նշանակում է, որ ԱՄՆ-ն գործող իշխանություններին արհեստական շնչառություն տվեց, սակայն փողոցային շարժումը սա չեզոքացրեց և իշխանությունը կրկին վախերի մեջ հայտնվեց։

Ըստ բանախոսի, Ն․ Փաշինյանի ակտիվությունը խոսում է իր վախերի մասին։ Առաջին հերթին իր թիմին փորձում է ցույց տալ, որ իրենք հաստատակամ են, իրենց իշխանությանը ոչինչ չի սպառնում և այլն։ Իրենք հիմա անբնական բաներ են անում։ Այս փուչիկը պայթելու է։

«Մի ճանապարհ կա՝ Ն․ Փաշինյանի ձերբակալությունը, քանի որ Տավուշի մարզում տարածքներ է հանձնել, որտեղ ՀՀ քաղաքացիները սեփականության վկայականով ունեցել են անշարժ գույք և հողատարածք։ Ն․ Փաշինյանը ևս խոստովանել է, որ ՀՀ տարածք է հանձնվել Ադրբեջանին»,- ասել է Հ․ Նահապետյանը։

Մանրամասները՝ տեսանյութում։

Աղբյուր` Փաստինֆո