Փաստ ինֆո

Լոռու մարզի Ախթալա համայնքը արտաքին աշխարհին կապելու նպատակով մետաղյա ժամանակավոր կամուրջ է տեղադրվել, որը նախատեսված է նաեւ տրանսպորտային միջոցների երթեւեկության համար։ ունը

«Մետաղյա կոնստրուկցիաներով ժամանակավոր կամուրջ ենք դրել, այս պահին ասֆալտի ճանապարհի հետ հավասարեցնելու աշխատանքներ ենք կատարում՝ մի փոքր բարձր է կանգնած ասֆալտից» , - «Փաստինֆո»-ին ասաց Լոռու մարզի Ախթալա համայնքի ղեկավար Սևակ Սարգսյանը։

Ինչպես արդեն հայտնել ենք՝ մայիսի 25-ի լույս 26-ի գիշերը Լոռու մարզում տեղի ունեցած ջրհեղեղի հետեւանքով ամբողջությամբ վնասվել էր 20 կամուրջ, որոնց թվում նաեւ Ախթալայի կամուրջը եւ քաղաքը կորցրել էր աշխարհի հետ կապը, չուներ գազամատարակարում , հոսանքազրկված էր կար նաև ջրի խնդիր։

Աղետից օրեր անց Էլեկտրականությունը, գազամատակարարումը և ջրամատակարարումը վերականգնվել են, սակայն առանցքային էր մնում կամուրջի խնդիրը։ «Փաստինֆո»ի հարցին, թե ինչ ամրություն կունենա տրանսպորտի համար նախատեսված կամուրջը, համայնքի ղեկավարն ասաց, որ այն բավական ամուր է, կշռում է 70 տոննա՝ նախատեսված մինչեւ 20 տոննա կշռող փոխադրամիջոցների համար։

Համայնքի ղեկավարը նաեւ հայտնեց, որ ներկայումս հոսանքազրկել են Ախթալայի կայարանի հատվածը, որտեղ գետի ջուրը ծածկել ու ավիրել էր, ու հիմա իրականացվում են մաքրման եւ վերականգնողական աշխատանքներ։

Լուսանկարում՝ Ախթալայի հետիոտնի համար նախատեսված կամուրջն է։

Աղբյուր` Փաստինֆո