Փաստ ինֆո

«Առանձնատունը մեր մեծ ընտանիքին է պատկանում, կառուցվում է ծնողներիս համար, որպեսզի Մարտունուց տեղափոխվեն այդ տանն ապրեն, մենք էլ ընտանիքներով պարբերաբար այցելենք»,- ԱԺ ում լրագրողների հարցերին ի պատասխան ասել է ՀՀ տարածքային կառավարման եւ ենթակառուցվածքների նախարար Գնել Սանոսյանը։

Ավելի վաղ «Հետք»-ը հաղորդել էր, որ ՏԿԵ նախարար Գնել Սանոսյանի՝ թոշակառու մայրը 230 հազար ԱՄՆ դոլար արժողությամբ առանձնատուն է կառուցում։ Նախօրեին ՀՀ Հակակոռուպցիոն Կոմիտեի նախագահ Սասուն Խաչատրյանը հայտնել էր, որ այդ փաստով ստուգումներ են իրականացվում։

Սանոսյանն այսօր հայտարարեց, թե եղբայրները ՌԴ-ում ունեն ճանապարհաշինարարական ընկերություն։ «Այդ հոդված գրողը, եթե մի փոքր ուշադիր լիներ, կարդար իմ եղբոր ընկերությունների անունները, թե որքան շրջանառություն էր ունեցել տարեկան, ոչ մի հարց չէր առաջանա, թե ինչու է 230 հազար դոլար արժողությամբ տուն կառուցում»,- ասել է նախարարը։

Լրագրողների հարցին, թե ինչու մինչև 2018-ը չեն կառուցել նման արժողությամբ շինություն՝ Սանոսյանն ասաց, որ կառուցել են մեկ հարկանի տուն իրենց գյուղում ՝ Մարտունիում, կադաստրային արժեքը շինարարության հետ կապ չունի ու զարմանք հայտնեց, թե ինչու են քննադատում։ «Լավ ընտանիք է, ծնողների մասին մտածող, ինչո՞ւ եք քննադատում»,- ասաց նախարարը։ Նա նաև հայտնեց, որ եղբայրներով բնակարաններ ունեն Նորքի զանգվածներից մեկում։

Աղբյուր` Փաստինֆո