Փաստ ինֆո

Օպերատիվ ծառայողներից ոչ մեկ չի եղել մեր շրջակայքում։ Գիշերը մի հոգի փախել է, այսօր առավոտյան մի հոգու բացահայտել ենք։ Այս մասին այսօր երթի ընթացքում ասաց Բագրատ Սրբազանը՝ անդրադառնալով իրեն օպերատիվ ծառայության կողմից հետևելուն և իր թիմի նկատմամբ հնարավոր ճնշումներին։

«Տղան եկել է, ասել, որ ուղղակի ծառայություն են իրականացնում և օրհնություն է խնդրել, տվել ենք։ Ասել եմ, որ այն, ինչ անում եք ու չեք կարող բացատրել թե ինչու եք անում, ուրեմն անընդունելի է, դուք պետք է ծառայեք պետությանը»։

Անդրադառնալով ոստիկանության գործողություններին՝ Սրբազանն ասաց, որ ոստիկանությունը շատ պարկեշտ է իրեն պահում։ «Բայց էլի եմ ասում, խուլիգանական այդ խումբը՝ բանդաները՝ սև ու կարմիր բերետները պետք է գլխովի վերացվեն, ոչ թե անձ կամ մարդիկ, այլ որպես երևույթ վերացվեն։ Եվ դա արձանագրված է, խուլիգան են իրենք, բանդա են։ Երեկ երկու հոգու անուն եմ տվել հստակ կերպով և ուրախ եմ, որ մեր թելադրանքը և պահանջը հասարակությունից սկսել է գործել։

Երեկ մեկ անուն եմ տվել Գևորգ Մկրտչյան, հետո բոլորի անունները տալու եմ, թող իմանան»,- ասել է Սրբազանը։

Աղբյուր` Փաստինֆո