Փաստ ինֆո

Ախթալա համայնքն ամենամոտ ժամանակներս արդեն կունենա արտաքին աշխարհի հետ կապող ճանապարհ՝ առայժմ միայն ոտքով գնալու համար։ «Փաստինֆո»-ին հայտնել Ախթալայի համայնքապետ Սեւակ Սարգսյանը։

«Այս պահին մետաղյա կոնստրուկցաիներով պատրաստվում է գետի մյուս ափը տանող կամուրջ, եռակցման աշխատանքներն են ընթանում։ Մեքենաների համար ճանապարհի կառուցումը շատ ավելի երկար ժամանակ կպահանջի, բայց ոտքի ճանապարհն առաջնային է»,- նշեց պարոն Սարգսյանը։

Ինչպես արդեն տեղեկացրել ենք՝ վարարումների հետեւանքով վնասվել է նաեւ Ախթալայի կամուրջը, որի հետեւանքով զրկվել է նաեւ Ալավերդու հետ կապից։

Մ.Վարդանյանի փոխանցմամբ՝ վերականգնվել է էլեկտարականությունը, գազամարտարկարարումը, ջրի խնդիրը լուծելու համար նույնպես խողովակների եռակցման աշխատանքներ են ընթանում։

Մինչ օրս Ախթալա համայնք ջուր և առաջին անհրաժեշտության ապրանքներ, դեղորայք բերվում է Լալվարի անտառով՝ փրկարաների ամենագնացներով ու ուազ մակնիշի մեքենայով, քանի որ ճանապարհը դժվարամատչելի է։

Նրա փոխանցմամբ՝ Լեռնահարաստացման կոմբինատն աշխատանքն ամբողջությամբ չի կանգնեցրել, բայց հումքի խնդիր ունի , որը կապված է և երկաթգծի վնասների, և ցամաքային ճանապարհի կորստի հետ։Այդուհանդերձ, կոմբինատի տնօրինությունն աջակցում է վերականգնման աշխատանքներին։

«Գործարանի տնօրինությունն ինձ ասել է, որ ամեն ինչ անելու են, որ չկանգնի գործարանն ամբողջությամբ՝ չնայած հումքի բացակայությանը, իսկ փրկարարներն իրենց կարևոր գործը՝ մարդկանց տարհանելու, ավարտել են ու այս պահին մեզ հետ վերականգնողական աշխատանքներին են մասնակցում»,- ասաց համայնքապետը։

Աղբյուր` Փաստինֆո