Փաստ ինֆո

Իրական Հայաստանում երեկ խուլիգանախումբը 50-60 հոգով, որոնք իրենց ոստիկիաններ են անվանում, ոհմակով հարձակվել են իմ գործընկեր Աշոտ Սիմոնյանի վրա, կրկնեմ, ոհմակով հարձակվել են։ Այս մասին ՆԳՆ բյուջեի քննարկման ընթացքում ասաց «Հայաստան» խմբակցության պատգամավոր Ագնեսա Խամոյանն՝ հարց ուղղելով ՆԳ փոխնախարար Արփինե Սարգսյանին։

«Ես ցավում եմ, որ 2 կին պետք է հիմա քննարկեն տղամադկային կոդեքս, որով փողոցում ընդունելի է, որ 50-60 տղամարդ հարձակվի մեկի վրա, բայց ոստիկանները, որոնք իրենց հռչակում են օրենքի պաշտպաններ, հարձակվում են, հայհոյում, հարվածում, իրենց ամենավերջին խուժանի նման են պահում։ Ցավում եմ, որ հիմա էդ ամենի պատասխանը դուք այստեղ պետք է տաք։ Բայց ես նաև ակնկալում էին, որ դուք որպես բարձրաստիճան պաշտոնյա, պետք է ներողություն խնդրեք այդ խմբի արաքի համար»։

Նա նշեց , որ երեկ Կարմիր բերետավորների վաշտի հրամանատար Գևորգ Մկրտչյանի լիազորությունները ընդամենը դադարեցվել են։ «Ինչու առնվազն չեն դադարեցվել նաև Արթուր Ղազարյանի լիզորությունները, էլի վաշտի հրամանատար է։ Ինչու Հայկազ Ջոմարդյանի լիզորությունները չեն դադարեցվել։

Իրական Հայաստանում ոստիկանները թույլ չեն տալիս կաթողիկոսին մտնել Սարդարապատ ու այդ նույն օրը ոստիկանության զորքերի հրամանտար Հայկ Բաբայանին շնորհվում է գեներալ-մայորի կոչում»։

Նա նաև հարցրեց, թե ուր է Վահե Ղազարյանը, քանի որ բոլոր հարցերը ցանկանում էր ուղղել նրան։
Արփինե Սարգսյանը հորդորեց որակավորումներ չկիրառել ոստիկանության ծառայողների նկատմամբ, քանի որ ոստիկանները ամենօրյա ռեժիմով բոլորի անվտանգությունն են երաշխավորում։

«Ապահովում են, որ մենք բոլորս աշխատանքից հետո ապահով գնանք տուն, ցույցերի մասնակցնենք, ու եթե ցույցը խաղաղ բնույթ ունի, ապա այդ ցույցն ապահով անցնի։ Ու երբ մենք նշում ենք, թե ինչու ենք այդքան ուժեր կենտրոնացնում, ապա ոստիկանությունը ուղիղ պարտականություն ունի ապահովելու հասարակական կարգ և անվտանգություն ցույցերի շրջանակներում, հետևապես մենք չենք կարող մի կողմ քաշվել»։

Աղբյուր` Փաստինֆո