Փաստ ինֆո

Ոտքով մեքենային խփելը կամ անիվ ծակելն իհարկե դատապարտելի է մեզ համար, բայց ավելի մեծ մեղք ու աղետ չէ, քան մարդկանց դռան դեմը դագաղ դնելը։ Այս մասին ՆԳՆ շենքի մոտ հայտարարեց Բագրատ Սրբազանը՝ դիմելով ոստիկանապետ Արամ Հովհաննիսյանին։

Հիշեցնենք, որ Բագրատ Սրբազանը համախոհների հետ այժմ գտնվում է ՆԳՆ շենքի մոտ՝ հանդիպում պահանջելով ՆԳ նախարար Վահե Ղազարյանի հետ՝ նախօրեին ոստիկանների կողմից Վեհափառ Հայրապետի մուտքը Սարդարապատի հուշահամալիր խոչընդոտելու համար։

ՆԳՆ նախարարը, սակայն, վերջինիս ներկայացուցիչների պնդմամբ՝ հանդիպման է, ՆԳՆ խոսնակ Նարեկ Սարգսյանը նշեց, որ Ղազարյանը պատրաստ է հանդիպել, սակայն ոչ այս ձևաչափով։

Որպես «բանակցող» Սրբազանին մոտեցավ նաև ոստիկանապետ Արամ Հովհաննիսյանը, որը հրավիրեց Սրբազանին ՆԳՆ-ում հանդիպման, ապա՝ փորձեց պարզաբանել իր կողմից ավելի վաղ արված հայտարարությունը, որով խաղաղ ակցիայի մասնակիցներին անվանել էր «լակոտ», իսկ սրբազանին՝ տեր հայր։

«Ի նկատի եմ ունեցել, որ մեքենայի անիվ են ծակում, ոտքերով մեքենաներին էին խփում»,- նշեց Հովհաննիսյանը, ինչից արձագանքելով Բագրատ Սրբազանը նշեց․ «Դագաղ դնողները լակոտներ չե՞ն»։ Հովհաննիսյանն էլ նշեց՝ այլ հարցի չի պատասխանում, իսկ մնացածի մասով՝ բնականոն աշխատանքը խանգարում են ոստիկանության և ՆԳՆ-ի։
Ըստ ոստիկանապետի՝ ոստիկանությունն իրենց գործունեությունն են իրականացնում, Սրբազանն էլ հակադարձեց՝ «Ձեր գործը մարդու ոտքը ջարդե՞լն է»։ Սրբազանը հիշեցրեց, թե ինչպես են ոստիկանները կոտրել Արսեն

Գրիգորյանի ոտքը, իսկ ազդանշան տալու համար՝ երիտասարդի գլուխը։

«Ոտքով մեքենային խփելը կամ անիվ ծակելն իհարկե դատապարտելի է մեզ համար, բայց ավելի մեծ մեղք ու աղետ չէ, քան մարդկանց դռան դեմը դագաղ դնելը»,- ասաց Սրբազանը։

Աղբյուր` Փաստինֆո