Փաստ ինֆո

Աբսուրդ է, ինչ տառապանք պետք է հասցնի։ Սրբազան հայրը իրենց ընտանիքին տարիներ շարունակ օգնել է, անգամ շոկի մեջ էր, որ տվյալ անձնավորությունն էր եղել այդ հարկում, մինչև հիմա էլ՝ չի ցանկանում հավատալ։ Այս մասին «Փաստինֆո»-ի հարցին ի պատասխան հայտնեց ԱԺ պատգամավոր Գառնիկ Դանիելյանը՝ անդրադառնալով Բագրատ Սրբազանի համարում ապօրինի գաղտնալսող սարք տեղադրելու դեպքին, որով քրեական վարույթը նախաձեռնվել է ոչ թե ապօրինի գաղտնալսման, այլ՝ քաղաքացուն իբրև հոգեկան տառապանք պատճառելու հատկանիշներով։

«Այդ ամենն, ինչ տեղի է ունեցել՝ ձայները, առաստաղը փորելու գործընթացը, բնականաբար ցանկացել ենք հասկանալ, թե ինչ է տեղի ունենում և այդ ժամանակ անձը կարող էր ներկայանալ անձը հաստատող փաստաթղթով, ոասել, որ այստեղ է, որևէ խնդիր չկա։ Այս օրերի ընթացքում բազմաթիվ նման բաների ականատես ենք եղել։ Այդ մարդուն ոչ ոք չի վիրավորել, ինքը գրեթե ամբողջ օրվա ընթացքում փակված է մնացել, նաև հյուրանոցի անվտանգության աշխատակիցներին ենք հրավիրել՝ խնդրելով պարզել, թե ինչ է տեղի ունենում։ Ծիծաղելի է, որ այդ անձն այնքան է բարոյապես իջել հատակը, որ մոռացել է, թե ինչեր է արել Սրբազանն իր ընտանիքի համար»,- ասաց Դանիելյանը՝ նշելով․ «Բա այստեղ (Կառավարությունում՝ հեղ․) նստած անձը կարո՞ղ է պատասխան տալ, իրեն պետք է ցմահ տան, մեզ հոգեկան տառապանքների, կտտանքների է ենթարկում, վեց տարի է արդեն»։

Գառնիկ Դանիելյանը նշեց նաև, որ սենյակն ազատելուց հետո պահանջել են, որ իրենց աչքով տեսնեն՝ ինչպես է առաստաղը ծակված, սակայն որևէ մեկը չի թողել։

Աղբյուր` Փաստինֆո