Փաստ ինֆո

Բագրատ Սրբազանը ազդարարեց Տավուշը հանուն հայրենիքի շարժման երրորդ և վճռական փուլի մասին, որի հանգուցալուծումը ճշմարտության հաղթանակն է: Բագրատ Սրբազանի խոսքով` վարչապետի թեկնածուն չի կարող լինել որևէ կուսակցության կամ խմբակի անդամ, պետք է ձևավորվի անցումային կառավարություն, որը կլինի հաշտության կառավարություն` ձևավորելով բոլոր ունակների կառավարությունը` իրենց արհեստավարժությամբ, հայրենատեր և աստվածասեր լինելով, հստակ ունենալով օրակարգային երեք ուղղություններ:

«Առաջին` ներքին հաշտության`հիմնված արդարության և արդարադատության վրա, մեր կյանքի ապաքինմամբ և զարգացմամբ պայմանավորված: Երկրորդ` արտաքին հարաբերություններում առանց հակաների քաղաքականությամբ` իրավիճակի ներկայիս իրավիճակի սառեցմամբ, ինչը չափազանց բարդ է, որովհետև տեղեկատվության պակաս գոյություն ունի այս պահին, ամեն գնով սառեցնել այն իրավիճակը, որում գտնվում ենք: Օրինակելի օրակարգի զարգացմամբ` այս իրավիճակից բխած` քաջ գիտակցելով խաղաղության արժեքը և ձգտելով խաղաղության` իրական, կայուն, արժանապատիվ և երկար ժամկետով` ուժի սպառնալիքի վերացմամբ: Խաղաղության պայմանագրի շուրջ արդար, կայուն, երկարաժամկետ բանակցություններով միտված, ներառյալ` արցախցիների վերադարձով` ներառյալ պաշտպանության և անվտանգության խնդիրները »,- համազգային հանրահավաքին հայտարարեց Բագրատ Սրբազանը:

Նրա խոսքով` այս իշխանությունը ոչ միայն հանցավոր կերպով հանձնում է մեր պետությունն իր ֆիզիկական գոյությամբ, այլև ավելի սարսափելին՝ այն ձգտում է փոխել մեր հայրենիքի բովանդակությունը, ինքնությունն ու արժեքները՝ գողանալով մեր խորհրդանիշները, մեր երազներն ու իղձերը, մեր գոյության իրավունքը և կենսագրությունը։
«Մոռանալով, որ հոգին հաղթել է դուխին, Եռագույնը՝ սևուսպիտակին և Տաճարը վերջապես հաղթելու է փողոցին։ Իսկ այս ամենի արդյունքում հոգևոր Հայաստանը հաղթելու է «թազա»՝ այս Հայաստանին»։

Աղբյուր` Փաստինֆո