Փաստ ինֆո

Նիկոլ Փաշինյան, այս պահից սկսած` մենք հանդիպելու և քննարկելու թեմա ունենք միասին: Դուք Ձեզ ժամանակին շատ ժողովրդական մարդ էիք համարում, վստահ եմ` այս ժողովրդի ներկայությունը ծանր հիշողություններ է առաջացնում, բայց Դուք եք հասցրել դրան, այս ժողովուրդն է Ձեզ հասցրել կառավարական ամառանոցները, որտեղ Դուք առավել ճոխացրել եք` հարմարացնելով պայմաններով: Մենք չենք եկել դուռ, լուսամուտ ջարդելու, որ այսպես ոստիկանական շարքերով պաշտպանվում եք, այլ պարզ խոսակցության` Ձեր խաղաղ, անցնցում հեռանալու թեմայով: Այս մասին կառավարական ամառանոցների մոտ հայտարարեց Բագրատ Սրբազանը:

«Դուք էլ եք ժողովրդական մարդ, այս պահին ժողովուրդը որոշել է, որ ես էլ եմ ժողովրդական մարդ, այդպես որ`քանի որ Դուք եղել եք, նախկին եք դարձել,, հրավիրում եմ` ներկայի հետ հանդիպման: Ձեր ներմուծածն է` նախկին-ներկա, թակարդներից մեկը, որը ժողովրդին մտցրեց այդ վախերի և մնացած ողբերգությունների մեջ, դրա համար եմ ասում` ոչ միայն Դուք որպես քաղաքական գործիչ, ես` որպես հոգևորական, այլև` որպես տղամարդ, հուսամ` չեք խուսքափի: Գրեթե համոզված եմ` ռիսկ չեք անի, չգիտեմ` ինչպես եք նայել աչքերիս մեջ, ինչպես` Կիրանցում էիք մարդկանց աչքերին նայում»,- ասաց Սրբազանը` նշելով, որ ժողովուրդն այնքան ազնիվ ու բարի կլինի, որ երաշխավորի խաղաղ գնալը :

Աղբյուր` Փաստինֆո