Փաստ ինֆո

Փորձում են դատել մի մարդու՝ իբրև խոշոր չափի հափշտակության համար, երբ չկա բողոքող, վնաս սկրած կողմ։ Խոսքը Ասկերանի համայնքապետարանին պատկանող ավտոմեքենայի մասին է, որը օտարվել է ավագանու անդամների որոշմամբ, որոշվել է գույքը հանձնել համայնքի ղեկավարի ղեկավարությանը։ Պետությանն իբրև 5 մլն 200 հազար դրամի չափով հասցվել է «վնասի», պետություն ասելով՝ նկատի ունեն Արցախի Հանրապետությունը։ Լավ մանևրներ են անում, երբ պետք է՝ կարողանում են մեր գույքերը հաշվառել, երբ ոչ՝ գործ չունեն արցախցիների խնդիրների հետ։ Այս մասին լրագրողների հետ զրույցում ասաց Ասկերանի՝ ձերբակալված քաղաքապետ Հայկ Շամիրյանի ազգականը։

«Հայկ Շամիրյանը ոչ միայն այդ մեքենայով հասել է ՀՀ, այլև՝ տեղահանել է երեք բնակիչների, որոնք տրանսպորտային միջոց չեն ունեցել՝ ՀՀ տեղափոխվելու համար։ Այսինքն՝ ստացվում է, որ ավելի լավ է՝ մեքենան մնար այնտեղ, ոչինչ, որ մի երեք հոգի էլ մնար ադրբեջանցիների հետ»,- ասաց նա։

Հիշեցնենք, որ Ասկերանի նախկին Հայկ Շամիրյանը ձերբակալվել է երեկ՝ իր իսկ բնակարանից։ Շամիրյանին մեղադրանք է ներկայացվել ՀՀ քրեական օրենսգրքի 255-րդ հոդվածի 3-րդ մասի 3-րդ կետով՝ առանձնապես խոշոր չափերով խարդախության և 457-րդ հոդվածի 1-ին մասով՝ փաստաթղթի կեղծման հատկանիշներով։ Շամիրյանի նկատմամբ կալանավորումը որպես խափանման միջոց ընտրելու վերաբերյալ միջնորդություն է ներկայացվել դատարան, որը քննվում է այսօր՝ Ռազմիկ Մարիկյանի նախագահությամբ։

Աղբյուր` Փաստինֆո