Փաստ ինֆո

Իրանը հասկանում է, որ, եթե Հայաստանը գնում է թուրք-ադրբեջանական տանդեմի լիակատար վերահսկողության տակ, կամ ամերիկացիների ու եվրոպացիների, այսինքն այն երկրների, որոնք, դե ֆակտո ՆԱՏՕ-ի գործընկերներն են, ապա Իրանը խնդիրներ է ունենում։ Հայկական կողմը սպասարկում է այլ ուժերի շահերը, ուստի հոգևոր առաջնորդի խոսքերը մեսիջ էին այն ուժերին, որոնք այս իշխանությունների գլխին կառավարչական ֆունկցիա են կատարում։ «ՓաստԻնֆոյի» եթերում ասել է քաղաքական վերլուծաբան Արման Աբովյանը։

Բանախոսի դիտարկմամբ, այս իշխանությունները ստել են, իրանցիները գիտեն, որ ստել են և այս իշխանությունները շատ արագ վերացնում են Հայաստանի անվտանգային ճարտարապետությունը։

Անդրադառնալով «Սրբազան շարժմանը», բանախոսը նշեց, որ շարժումը օբյեկտիվ գործընթաց է, որը անձի խնդիր չէ։ Իշխանությունները անում են ամեն ինչ, որպեսզի մարդիկ դուրս գան փողոց։ Իշխանությունը որոշել է տալ վճռական ճակատամարտը հայությանն ու ինքնությանը, հայ եկեղեցուն և այն ամենին, ինչը մարդուն դարձնում է մարդ։ Նրանք փորձում են պայքարել անձերի դեմ, սակայն գաղափարն է այսօր կարևոր։

Սահմանազատման առնչությամբ վերլուծաբանը նշեց, որ Հայաստանում չի ընթանում դելիմիտացիա և դեմարկացիա։ Սա Թուրքիայի և Ադրբեջանի պայմանների կատարումն է և այդ պայմանների փաթեթավորումը։ Այս պարագայում տարածքների հանձնումը Թուրքիայի և Ադրբեջանի կողմից չի դիտարկվում որպես իրավիճակի շտկում։ Հայաստանում նախընտրում են Շուռնուխի և Որոտանի տարածքների հանձնման հարցը կախված պահեն, քան հետաքրքրությունը մեծանա այս հարցի շուրջ։ Ավելի կարևոր է, թե որտեղ են բնակվելու ադրբեջանցիները, եթե վերադարձի ծրագիրը կյանքի կոչվի։

«Այս իշխանությունները ամեն ինչ անելու են, որպեսզի պահեն իրենց աթոռները, որը իրենց համար ֆիզիկական անվտանգության երաշխիք է, սակայն ոչ ոք նրանց չի ուզում վնասի։ Մենք ներքին քաղաքացիական պատերազմի ռեսուրս չունենք»,- ասել է Ա․ Աբովյանը։

Մանրամասները՝ տեսանյութում։

Աղբյուր` Փաստինֆո