Փաստ ինֆո

Կառավարությունն այսօրվա նիստում 2 մլրդ 920 մլն դրամի հատկացրեց Հայաստանի տարածքային զարգացման հիմնադրամին 10 կրթահամալիրի կառուցման աշխատանքների համար:

ԿԳՄՍ նախարար Ժաննա Անդրեասյանը նիստում հայտնեց, որ նախագծով նախատեսվում է նախարարության եւ Գեղարքունիքի մարզպետի աշխատակազմի ենթակայությամբ գործող 5 հանրակրթական դպրոցի հատկացնել կապիտալ դրամաշնորհներ 31 մլն 448 հազար դրամի չափով:
Մասնավորապես «Երևանի լսողության խանգարումներ ունեցող երեխաների հատուկ կրթահամալիրին»՝ ճաշարանի գույքի ձեռքբերելու համար, «Ալավերդու Ստ․Շահումայնիանվանթիվ 5 ավագդպրոցին»՝ տեսախցիկների ձեռքբերելու, «Գյումրու թիվ 45 միջնակարգ դպրոցին»՝ էլեկտրոնային գրատախտակի ձեռքբերելու, «Վանևանի միջնակարգ դպրոցին»՝ ջեռուցման աշխատանքների ձեռքբերման, «Ճամբարակի թիվ 4 միջնակարգ դպրոցին» ջեռուցման աշխատանքների ձեռքբերման համար։

Նախարարի խոսքով, այս պահին կան 133 օբյեկտներ, որոնք գտնվում են Հայաստանի տարածքային զարգացման հիմնադրամի պատվիրատվության շրջանակներում. «Դրանց մեջ 85 դպրոցներ են և 48 կրթահամալիրներ: Քաղաքաշինության կոմիտեի տիրույթում 95 օբյեկտներ են, որոնցից 59-ը դպրոց և 36 կրթահամալիր: Այս պահին ունենք շինարարության փուլում գտնվող 107 օբյեկտներ: Մի մասը կավարտվի այս տարվա ընթացքում, 27 ուսումնական հստատություններ արդեն ավարտված են»,-ասաց Անդրեասյանը:

Աղբյուր` Փաստինֆո