Փաստ ինֆո

Այնպիսի խրոխտ ձեւով են հողերը հանձնում, որ մարդու նախանձ է գալիս։ Այսօր ԱԺ-ում տեղի ունեցած խորհրդարանական ճեպազրույցների ժամանակ ասել է ՀՀ ԱԺ «Պատիվ ունեմ» խմբակցության ղեկավար Հայկ Մամիջանյանը։

Անդրադառնալով Հայաստանի առջեւ ծառացած անվտանգային խնդիրների մասին բարձրաձայնող անձանց որպես ազդեցության գործակալներ ներկայացնելու իշխանական թեզերին՝ Հ.Մամիջանյանը մատնանշել է երկու օրինակ։

«Թուրքիայի ղեկավարությունը՝ էրդողանը, բազմիցս հայտարարել է, որ կողմ է «Քաղաքացիական պայմանագրի» Հայաստանում իշխանության մնալուն, Ալիեւն էլ նախորդ տարվա նոյեմբերին մեր Ստեփանակերտում հայտարարել է,որ պատերազմից հետո մի քանի անգամ հայրենասերները, որոնց իրենք «ռեւանշիստ» Հայաստանում գային իշխանության ու դա մեն կերպ իրենք կասեցրել են։ Փաստեր են՝ «ՔՊ»-ն սպասարկում է Թուրքիայի ու Ադրբեջանի ղեկավարության շահերը»,- ասել է Մամիջանյանը՝ նշելով, որ Սուքիասյանը թող իրենց շարքերում ման գա շահերի գործակալների։

Քաղաքական գործիչը շեշտել է, որ ՀՀ ԱԺ ընդդիմադիր «Պատիվ ունեմ» խմբակցությունը, ՀՀԿ-ն դեմ չեն սահմանազատմանը, բայց այդ գործընթացն ունի սկզբունքներ։ «Սահմանազատման սկզբունքներ կան՝ ՄԱԿ-ի կողմից մշակված, ԵԱՀԿ-տ կողմից մշակված, Հելսինկյան ակտը, որը ենթադրում է շատ ու շատ կետեր՝ ուժի չկիրառում,ամբողջական սկզբունքների համաձայնեցում, այդպես են դա անում։ Ինչո՞ւ չեն օգտագործվում 1988թ.-ի քարտեզները, բացի այդ՝ գոյություն ունի ստրատեգիական բարձունք հասկացությունը, գոյություն ունի տրանսպորտային խնդիրներ հասկացություն, դա մատիտով չի արվում, հետևաբար այն, ինչ անում են, որևէ կերպ չի կարող անվանվել սահմազատման գործընթաց, դա ընդամենը Ադրբեջանի պահանջների լուռ իրականցումն է։Իսկ այդ խրոխտ դեմքը, որով անում են ինձ համար անհասկանալի է»,- նշել է Մամիջանյանը՝ ավելացնելով, որ Փաշինյանն ուներ հնարավորություն եթերով ասել. «սիրելի՛ ժողովուրդ, ես վախենում եմ, ինձ ճնշում է Ալիևը, դրա հետևանքով ես կայացնում եմ այս- այս որոշումները, բայց հերոսություն ներկայացնել Հայաստանի ապագան կասկածի տակ դնելը... այնպիսի խրոխտ դեմքով են հող հանձնում նախանձելս գալիս է»։

Աղբյուր` Փաստինֆո