Փաստ ինֆո

Ռաիսին այն անձն էր, որը կարողացավ Մերձավոր Արևելքում լուրջ ազդեցություն ունենալ, Սաուդյան Արաբիայի հետ հարաբերությունները կարգավորել և հասնել դիվանագիտական հարաբերությունների հաստատման, ինչը նշանակում է նաև, որ Սաուդյան Արաբիան դուրս էր գալու Արևմուտքի, առաջին հերթին Միացյալ Նահանգների ազդեցությույնից։ Բացի այդ՝ Ռաիսին այն անձն էր, որը կարողացավ միավորել պաղեստինյան դիմադրությունը և Իսրայելի դեմ ստեղծել միասնական ճակատ։ Այս ամենը բավական էր, որպեսզի պլանավորվեր նրա սպանությունը»,- «Փաստինֆո»-ի եթերում ասել է միջազգայնագետ Գրիգոր Բալասանյանը։

Փորձագետը վերլուծել է Ռաիսիի գործունեությունը եւ ուղղաթիռի կործանմանը նախորդած իրադարձությունները

Ըստ փորձագետի՝ Ռաիսիի մահվան գլխավոր շահագրգիռ պետությունը Իսրայելն է, որովհետև Իսրայելի վրա հարձակումը ղեկավարվել է հենց Ռաիսին։ «Բացի այդ՝ արաքսամերձ հատվածում իսրայելական ռազմաբազաներ կան և, ըստ ռազմական փորձագետների, մեծ հավանականությամբ հենց ռադիոէլեկտրոնային միջոցներով հնարավոր է դարձել Իրանի նախագահի ուղղաթիռը շեղել ճանապարհից»,- նշել է փորձագետը՝ ավելացնելով, որ ուղղաթիռների շարասյան մեջ եղել է երեք ուղղաթիռ, երեքն էլ թռել են նույն ուղղությամբ, սակայն միայն նախագահի ուղղաթիռն է կորցրել կառավարումը ու, Իրանի կառավարության տեղեկատվության համաձայն, եղանակային պայմանների պատճառով շեղվել և բախվել ժայռերին։

Մանրամասները՝ տեսանյութում։

Աղբյուր` Փաստինֆո