Փաստ ինֆո

Հոգեթերապևտ Քոլին Նոլանը խորհուրդ է տվել մի կնոջ, ով ամուսնուց գաղտնի սկսել է հաղորդագրություններ գրել անծանոթի: Ընթերցողի նամակն ու մասնագետի պատասխանը հրապարակել է Mirror պարբերականը։

Կինը խոստովանել է, որ վաղուց ամուսնացած է, ունի երեք երեխա։ Մեկուկես տարի առաջ նա առցանց ծանոթացել է մի տղամարդու հետ և նամակագրության մեջ մտել նրա հետ, մինչ ուշ գիշեր, քանի քնեցնում էր երեխային: «Վերջերս մեր զրույցներն ավելի խորն ու մտերմիկ են դարձել։ Սա, իհարկե, տագնապալի ահազանգ է, բայց ես սկսեցի շատ բան վստահել այդ տղային։ Հիմա ես չեմ կարող կանգ առնել», - խոստովանել է կինը: Նա հավելել է, որ հայտնվել է փակուղում, քանի որ մեղավոր է զգում այն բանի համար, որ ամուսնուց թաքցնում է անծանոթի հետ համացանցում շփվելու փաստը, եւ այն մտքերի համար, որ զրուցակիցն իրեն ամուսնուց լավ է հասկանում:

Ի պատասխան՝ Նոլանը կնոջ պահվածքն անվանել է դավաճանություն, քանի որ նա ինտիմ երկխոսություններ է վարում ամուսնու թիկունքում։ «Սա հուզական դավաճանություն է. դա նշանակում է, որ ամուսնության մեջ ինչ-որ բան ձեզ պակասում է: Տանը դուք ձեզ միայն մայր ու կին եք զգում և մի փոքր կորցրել եք ինքներդ ձեզ, իսկ այդ տղան ստիպում է ձեզ հետաքրքիր ու գրավիչ զգալ», — գրել է հոգեթերապևտը։

Նա առաջարկել է դադարեցնել գաղտնի խոսակցությունները և կենտրոնանալ ամուսնության վրա, եթե ամուսնու հանդեպ սերը դեռ կորած չէ: «Ասացեք ձեր ամուսնուն ձեր զգացմունքների և այն մասին, թե ինչ եք ուզում հարաբերություններից: Եվ արգելափակեք այդ տղային. դժվար է, բայց անհրաժեշտ է ամուսնությունը փրկելու համար, քանի որ այդ հուզական կապը ոչնչացնում է այն», — գրել է Նոլանը՝ վստահեցնելով, որ ամուսինը վաղ թե ուշ կիմանա ճշմարտությունը։ Բացի այդ, նա առաջարկել է իրեն դնել ամուսնու տեղը և մտածել, թե ինչ կզգար կինը, երբ իմանար, որ ամուսինը մեկուկես տարի իր թիկունքում շփվել է ինչ-որ մեկի հետ:

Աղբյուր` Փաստինֆո