Փաստ ինֆո

Ալմա-Աթայի հռչակագիրը բանակցությունների սեղանին հայտնվել է մեր օրոք, որովհետեւ մեր օրոք է եղել պատերազմը, մեր օրոք ՀՀ-ի վրա հարձակում եղավ եւ մեր օրոք եւ մեր օրոք Հայաստանի ու Ադրբեջանի միջեւ սահմանը վերարտադրելու հնարավորություն եղավ,- ԱԺ-ում լրագրողների հետ զրույցում ասել է ՀՀ ԱԺ նախագահ Ալեն Սիմոնյանը։

Նրա փոխանցմամբ՝ վերջին 30 տարիների խոսույթը վերաբերել է Լեռնային Ղարաբաղին ու նրա հարակից շրջաններին։

Լրագրողի դիտարկմանը, որ Տավուշում սահմանագծումն ու սահմանազատումն իրականացվում է 1975-1976թթ. քարտեզներով, հետեւապես կարող են երաշխավորել, որ նույն քարտեզով է շարունակվելու սահմանի ամբողջ երկայնքով սահմանագծումը՝ Ա. Սիմոնյանը ոչ թե երաշխավորել է, այլ միայն նշել, որ չի բացառում։

«Չեմ բացառում, իրավական առումով դա ամենահարմար տարբերակներից մեկն է, եթե ոչ ամենահարմար տարբերակը։ Սովետական Միությունը հստակ սահմանը գծել է Հայաստան- Իրանի և Հայաստան- Թուրքիայի միջեւ, բայց մնացած հատվածների քարտեզները հնարավորինս խառնել են ու դժվար է փաստաթուղթ գտնելը, հիմա գտել ենք, փաստաթուղթ ունենք, դա շատ քիչ է տարբերվում մեկը մյուսից։Ընդհանուր առմամաբ՝ ի սկզբանե չէինք կարողանում գտնել բանակցելու տեղ, հենման կետ չունեինք»,- ասել է Ա.Սիմոնյանը՝ նշելով, որ հիմա ունեն հենցման կետ։

«Ենթադրում եմ, որ տրամաբանությունը նույնեը պետք է լինի։ Կարծում եմ, որ դա լավագույն տարբերակն է։ Չեմ բացառում, որ մի քիչ այս կողմ, այն կողմ լինի»,- նշել է Ա. Սիմոնյանը՝ նշելով, որ սկզբում խնդիր էր նաեւ, թե որտեղ պեիտք է կայանան հանդիպումները։

ԱԺ նախագահը շոու է որակել սահմանազատման հետեւանքով առաջացող խնդիրների, մարդկանց սեփականության իրավունքի խախտման դեպքերի մասին։

«Եթե որոշ գործընկերներ չգնան, չբզբզան ու մարդկանց նյարդերի հետ չխաղան...։ Խոսքը գնում է մի տան ու մի տնակի մասին, որը նույնպես բնակելի է ու պետությունը շատ ու շատ լավ ձեւով փոխհատուցելու է, պարտադիր չէ քպակական պատգամավորները գնան շոու անեն»,- ասել է Ա.Սիմոնյանը՝ ավելացնելով, որ Հյուսիսային պողոտայի նման չեն անելու, երբ «վզներից բռնեցին, շպրտեցին»։ Ավելին՝ վստահեցրել է, թե 2026 թվականի ընտրություններում ՔՊ-ն Կիրանցում հաղթելու է շռնդալից ձեւով։

Աղբյուր` Փաստինֆո