ԲՈԼՈՐ ՆՅՈՒԹԵՐԸ
Նարեկ Սամսոնյանը և Վազգեն Սաղաթելյանն ազատ կարձակվեն 05/21/2024 16:50 | Դատական ռեպորտաժներ
«Իմնեմնիմի» հաղորդաշարի հեղինակներ Նարեկ Սամսոնյանը և Վազգեն Սաղաթելյանն ազատ կարձակվեն։ Երևանի ընդհանուր իրավասության քրեական դատարանը՝ դատավոր Արման Հովհաննիսյանի նախագահությամբ, որոշեց փոխել Սաղաթելյանի և Սամսոնյանի խափանման միջոց կալանքը և որպես խափանման միջոց կիրառել վարչական հսկողությունը։ Դատարանը որոշեց սահմանափակել նրանց՝ հաղորդումներ վարելը։
«Փաստինֆո»-ի հաղորդմամբ՝ Երևանի ընդհանուր իրավասության քրեական դատարանում՝ դատավոր Արման Հովհաննիսյանի նախագահությամբ, կայացել է Նարեկ Սամսոնյանի և Վազգեն Սաղաթելյանի գործով նախնական դատալսումները։ Դատարանում քննարկման առարկա դարձվեց մեղադրյալների խափանման միջոցի հարցը։ Հանրային մեղադրողները միջնորդեցին անփոփոխ թողնել մեղադրյալների խափանման միջոցները։ Մասնավորապես, Նարեկ Սամսոնյանի դեպքում հանրային մեղադրողը պնդեց, թե նախաքննության ընթացքում արձանագրված ռիսկերը, թե ազատ արձակվելուց հետո նույն հաղորդման շրջանակներում կարող են շարունակել վարքագիծը, շարունակում են առկա լինել նաև սույն փուլում, հետևաբար, միջնորդեց երկու ամսով երկարացնել Նարեկ Սամսոնյանի կալանքի ժամկետը։ Ավելին, հանրային մեղադրողը որպես փաստարկ հիշեցրեց նաև ձերբակալվելուց հետո դեպի ՁՊՎ ճանապարհին Նարեկ Սամսոնյանի կողմից՝ Փաշինյանի նկատմամբ հնչեցված հայհոյանքը։ Ինչ վերաբերում է Վազգեն Սաղաթելյանին, ապա դատախազը Սաղաթելյանի դեպքում ավելացրեց նաև նրա՝ ՌԴ քաղաքացի լինելու հանգամանքը՝ դա ներկայացնելով որպես փախուստի դիմելու հավանականություն։ Թե՛ Սաղաթելյանի, թե՛ Սամսոնյանի դեպքում որպես հիմք նշվեց նաև վկաների նկատմամբ հնարավոր ազդեցության հավանականությունը։
Պաշտպան Ռուբեն Մելիքյանն էլ հայտարարեց, որ պաշտպանյալներին մեղսագրվում է մի արարք, որը իրավաբանական հանրության մեջ, հանրային տիրույթում ընդամենը 2 ամիս առաջ որևէ մեկը չգիտեր, որ հանցագործություն է։
«Մեր երկրում ապաքրեականացվել է ծանր վիրավորանքը։ Քաղաքական խոսք արտահայտելիս, կոշտ խոսք արտահայտելիս՝ անգամ վիրավորական, դա միանգամայն թույլատրելի վարքագիծ է՝ քրեական իրավունքի տեսանկյունից»,-ասաց նա։
Փաստաբանը հիշեցրեց՝ Արդարադատության նախարարը հրապարակավ ասել է, որ ծանր վիրավորանքը ապաքրեականացնում են, վերադարձնում մարդու իրավունքների տիրույթ, այս արարքը արդեն իսկ հաստատված հանցավոր արարք ասելը և դեռ մի հատ էլ ասել նորը կկատարեն՝ իրավաչափ լինել չի կարող։
Մելիքյանը նաև նշեց, որ մեղադրանքը վերաբերում է մի արարքի, որի հանցավոր լինելը չի եղել իրավական ավանդույթում։
«Մեր պաշտպանյալները չեն մեղադրվում մարդ գողանալու համար»,-ասաց նա՝ հավելելով, որ հանցանք գործելու ռիսկի առումով բերված փաստարկները կիրառելի չեն։ Հայտարարությամբ հանդես եկավ նաև Նարեկ Սամսոնյանը՝՝ նշելով, որ բացառապես քաղաքական դրդապատճառներով զրկված է եղել իր սահմանադրական իրավունքների իրացումից։ Սամսոնյանը հիշեցրեց, որ իր դեպքում խտրական մոտեցում է ցուցաբերվել, երեք անգամ կալանավորվել է և արդարացվել, որևէ գործով մեղադրական վճիռ չի եղել։
«Ես ինձ մեղավոր չեմ ճանաչում, որովհետև ես օգտագործել եմ իմ քաղաքական քննադատության իրավունքները, որովհետև հայհոյանքը ապաքրեականացվել է»,- նշեց Սամսոնյանը։
Նախագահող Արման Հովհաննիսյանը Սամսոնյանին հորդորեց խոսել խափանման միջոցի հիմքերից, գործով չկա որևէ վարույթ, փաստ, որ եղել է ապօրինություն կամ հանցագործություն, ուստի, դատարանն առաջարկեց զերծ մնալ նման գնահատականներ տալուց, թեև հասկանում է, որ խոսքը նրա ազատության իրավունքի սահմանափակման մասին է։ Նախագահողը նաև զգուշացրեց՝ քաղաքական հայտարարություններ չի թույլատրելու։
Նարեկ Սամսոնյանը պնդեց՝ նպատակ ունեն իրենց ՔԿՀ-ում պահելու, քանի որ եթե նպատակը լիներ վկաների նկատմամբ ազդեցություն չունենալն ապահովելը, ապա կարող էին տնային կալանք կիրառել, վարչական հսկողություն իրականացնել՝ սահմանափակելով թե՛ տեսակցությունները, թե՛ համացանցին հասանելիությունը և այլն։ Սամսոնյանը նաև նկատեց՝ անմեղսունակության կանխավարկածո՞վ են առաջնորդվում, որ ազատության մեջ հայտնվելով պետք է իբրև կրկնի իրեն մեղսագրվող արարքը։
Սամսոնյանը խնդրեց դատարանից՝ վերականգնել արդարությունը, ցույց տալ, որ այս երկրում սահմանադրական իրավունքները ոտքի տակ սրբվեն և ընկնեն մի կողմ։
Վազգեն Սաղաթելյանի պաշտպան Արսեն Բաբայանը միացավ Մելիքյանի և Սամսոնյանի դիրքորոշմանը՝ նշելով, որ դա վերաբերելի է նաև իր պաշտպանյալին։ Բաբայանը նաև նկատեց, որ այս ընթացքում իր պաշտպանյալը բազմիցս քրեական հետապնդումների է ենթարկվել, բայց երբեք փախուստի չի դիմել։
Լսելով կողմերի դիրքորոշումը՝ նախագահողն արձանագրեց, որ առկա չէ խոչընդոտելու հավանականությունը, քանի որ վարութային նյութերն ուսումնասիրելով՝ այն վկաները չեն, որոնք աղբյուր են հանդիսանում, այս դեպքում աղբյուրը տեսանյութն է, որն արդեն զննված է, առգրավված է, գործի նյութերում կցված է, այսինքն՝ տեսանյութը փոխլու, խեղաթյուրելու հնարավորություն չկա։ Վազգեն Սաղաթելյանի՝ փախուստի հավանականությունը դատարանը ևս չի տեսնում։ Միակ ռիսկը, որը դատարանը տեսնում է, ապա դա հնարավոր ենթադրյալ նոր արարք կատարելն է, ըստ այդմ, որպես խափանման միջոց կկիրառվի վարչական հսկողությունը՝ հաղորդումներ չվարելու սահմանափակումներով։ Խափանման միջոցի պայման խախտելու դեպքում դատարանը կաշկանդված չի լինի՝ խափանման միջոցի փոփոխման հարց բարձրացնելու համար։
«Դուք հիմա կարող եք դուրս գալ, լրագրողները մոտենան, հարց տան, կարող եք պատասխանել, բայց եթե լրատվական եղանակով շարունակվի գործունեությունը, դա կդիտվի դատարանի կողմից որպես իրավունքի չարաշահում։ Այսինքն՝ դուք կարող է ձեր հաղորդումները չվարեք, բայց ամեն օր լայվ մտնեք, շարունակեք նման կերպ խոսելը, դա կդիտարկվի որպես չարաշահում»,- պարզաբանեց նախագահողը։
Հիշեցնենք, որ մարտի 22-ին Նարեկ Սամսոնյանը և Վազգեն Սաղաթելյանը ձերբակալվել, ապա՝ կալանավորվել են իրենց հեղինակային «Իմնեմնիմի» հաղորդաշարում Փաշինյանի հասցեին հնչեցված գնահատականի համար։ Ընդ որում՝ նրանց մեղադրանք է ներկայացվել ՀՀ քրեական օրենսգրքի 297-րդ հոդվածի 2-րդ մասի 1-ին և 3-րդ կետերի հատկանիշներով, այն է՝ խուլիգանությունը, որն իրականացվել է մի խումբ անձանց կողմից՝ տեղեկատվական կամ հաղորդակցական տեխնոլոգիաներն օգտագործելով։ Մասնագիտական հանրությունը այս հետապնդումը քաղաքական է գնահատում՝ նշելով, որ սա քայլ է՝ խոսքի ազատության դեմ։ Ընդ որում, այսպես կոչված, «համացանցային խուլիգանության» հոդվածը, կարելի է ասել, նույնական է «ծանր վիրավորանքի» հոդվածին, որն այս իշխանությունների «նորամուծությունն» էր և հեռացվեց ՝ միջազգային կառույցների ճնշումների ներքո։
Հեղինակ՝ Իզաբել Սահակյան
Հարակից հրապարակումներ`
Տեսանյութեր
09/24/2024 19:29 Սալաֆիական ահաբեկիչները մարտեր են մղում Ադրբեջանի անտառներում. «Բաց մի՛ թողեք»Տեսադարան
09/02/2024 10:55 Սեպտեմբերի 2-ը Արցախի Հանրապետության հռչակման օրն էՄամուլ
- 09/28/2024 08:17 Անգամ Լուլուն է Ավինյանին քննադատում․ «Հրապարակ»
- 09/28/2024 08:14 Եկեղեցին վերջին պատրաստություններն է տեսնում․ «Հրապարակ»
- 09/28/2024 08:09 Փաշինյանի ընտանիքի չափահաս անձանց տվյալները բացակայում են ընտրողների ռեգիստրից. որտե՞ղ է նա գրանցված. «Ժողովուրդ»
- 09/28/2024 08:07 Ռեկտորը եւ եւս մի քանիսը դեռ ՁՊՎ-ում են․ «Հրապարակ»
- 09/28/2024 08:02 Ինչպես կդասավորվի Փարսյանի ճակատագիրը․ «Հրապարակ»
- 09/28/2024 07:49 Փաշինյանի քրոջ փեսան հասարակ մասնագետից` ՄԻՊ գլխավոր քարտուղարի տեղակալ. «Ժողովուրդ»
- 09/27/2024 08:24 Հրավիրատոմսեր ուղարկելուն դեմ են եղել 3 անձ․ «Հրապարակ»
ՓԱՍՏԱԹՂԹԵՐ
- 09/02/2024 15:38 Հրատապ. Հրապարակվել է Հայաստանի և Ադրբեջանի միջև պետական սահմանի սահմանազատման և սահմանային անվտանգության հարցերով հանձնաժողովների համատեղ գործունեության մասին կանոնակարգը
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
Հարցազրույց
- 09/19/2024 20:39 Եթե Փաշինյանը կարողանար, դեռ 2018-ի մայիսի 3-ին դուրս կգար ՀԱՊԿ-ից, բայց Հայստանն իր սեփական հողամասը չի, որ ինչ ուզենա, երբ ուզենա՝ ցանի. Ձյունիկ Աղաջանյան
- 09/18/2024 11:30 Զրույց Բագրատ Սրբազանի հետ. Վահե Հովհաննիսյան
- 09/16/2024 13:35 Նախկինում Սրբազան աշխատած մարդու հետ պաշտոնական հանդիպում ՔՊ-ի օրակարգում չկա. Էմմա Պալյան
- 08/30/2024 20:13 Նորակառույցները զավթում են երթևեկելի գոտին ու հետիոտնի անցման տարածքը, իսկ քաղաքապետարանից դժվարանում են ասել, թե դեռ որքան են ընդլայնելու Երեւանի սահմանները
Մեկնաբանություն
- 09/27/2024 17:01 Ստացվում է, որ Գրիգոր Մինասյանի նկատի ունեցած չափազանց անարդար մանրախնդիր հարձակում իրականացրած առանձին անհատները հենց Անդրանիկ Քոչարյանն է ու ՔՊ այլ պատգամավորներ. Բաբայան
- 09/27/2024 15:32 Այս պահին շատերի մոտից բացարձակ առանց իրենց կողմից ինչ-որ բան անելու գողացել են WhatsApp հաշիվները. Սամվել Մարտիրոսյան
- 09/27/2024 13:52 Հայ ժողովուրդը մնացել է միայնակ իր պետությունը գրաված օտար շահեր սպասարկող ռեժիմի դեմ. Ավետիսյան
- 09/27/2024 12:39 1988-ի փետրվարից հետո հայ ազգը երբեք այնքան համախմբված չէր պաշտպանելու իր հայրենիքը՝ Արցախը, որքան 2020-ի սեպտեմբերի 27-ին, այդ ոգին դեռ կա. Խաչատրյան
Արխիվ
Արտակարգ պատահարներ
- 09/28/2024 20:02 Երևանի թիվ 185 դպրոցում խոշոր հրդեհ է բռնկվել
- 09/28/2024 14:30 Վեդիի թիվ 2 միջնակարգ դպրոցում վնասվքածներ ստացած 9-ամյա աղջիկը մահացել է
- 09/28/2024 14:18 Երևանում 32-ամյա տղամարդու են դանակահարել․ կասկածյալը Վրաստանի քաղաքացի է
- 09/27/2024 21:11 Սևանի հանգստյան տներից մեկի տանիքում հայտնաբերվել է տղամարդու դի
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 09/28/2024 21:53 Տղամարդիկ և կանայք կիսվել են՝ սեքս-խաղալիքներով միգենի բուժման իրենց փորձով
- 09/28/2024 19:33 Երեք միգրանտներ բռնաբարել են հայրենակցուհուն և հոդվածի վաստակել
- 09/28/2024 16:03 Պուգաչովայի թոռան բիզնեսը վնասով է եղել
- 09/27/2024 17:48 Հիվանդանոցում մահացել է «Հարի Փոթերի» աստղ Մեգգի Սմիթը
Հետաքրքիր է իմանալ
- 09/24/2024 15:52 Կորած շունը հայտնաբերվել է շնորհիվ խորոված նրբերշիկների
- 09/20/2024 18:04 Ուղեղն ուտող որդեր. ԱՄՆ-ում մակաբուծային հիվանդություն է հայտնաբերվել բնակիչների մոտ
- 09/20/2024 15:49 Երկրին աստերոիդ է մոտենում
- 09/18/2024 18:11 Կայծակի հարվածից հետո 40 րոպե սրտի կանգ ունեցած տղամարդը փրկվել է ու ամբողջությամբ ապաքինվել