Փաստ ինֆո

Մարդիկ քաջալերվեցին, ասացին՝ մինչև վերջ գնացեք, մարդիկ, որոնք այսօր արտասվում են։ Այդ արցունքների համար այսօր պետք է պատասխան տրվեն։ Մարդկային կյանքերի ողբերգություն է։ Գյուղը իմ ճանաչած գյուղը չէր, կյանքը փոխվել էր։ Երբ մտել էինք գյուղ, կարծես՝ ուրվականների գյուղ, քաղաք լիներ։ Մարդ ընդհանրապես չկար, կյանքումս այսպես չէի տեսել գյուղում։ Այս մասին լրագրողների հետ զրույցում ասաց Տավուշի թեմի առաջնորդ Բագրատ արքեպիսկոպոս Գալստանյանը՝ Կիրանց գյուղի բնակիչների հետ հանդիպումից հետո։

« Իրենց անկյուններում թաքնված մարդիկ մեռելի պես ապրում են։ Մարդկանց հոգին են սպանել, պատիվն են տարել։ Երբ իմացան գյուղամիջում եմ, միանգամից հավաքվեցին, և բոլորի խնդրանքն ու մաղթանքը՝ քաջալերանքն է, որ այս աղետը պետք է կանգնի»,- ասաց Բագրատ Սրբազանը՝ նշելով, որ այս տղաները՝ ոստիկանները, դարձել են գերի։

Աղբյուր` Փաստինֆո