Փաստ ինֆո

Իշխանական պատգամավորները Կիրանցում անելիք չունեն, անելիք ունեն համապատասխան ոլորտների ներկայացուցիչերը, և իրենց աշխատանքն ամենաբարձր մակարդակով իրականացնում են։ Այս մասին լրագրողների հետ զրույցում ասաց ՔՊ-ական պատգամավոր Ռուստամ Բաքոյանը՝ անդրադառնալով Կիրանց գյուղում իրականացվող սահմանազատմանը։

«Իշխանական պատգամավորների այնտեղ լինելը որևէ բանով ո՛չ օգնելու է, ո՛չ ՝ խանգարելու։ Էդ դեպքում կարիքը չկա էդտեղ լինելու»,- ասել է նա։

Հարցին, որ կիրանցեցիներն ունեն դժգոհություններ, քանի որ իրենց տունը հանձնվում է Ադրբեջանին՝ նա պատասխանեց, որ դժգոհությունն ունեն որոշ քաղաքական շրջանակներ։

Անդրադառնալով իմպիչմենտի գործընթացին՝ Բաքոյանն ասաց որ ՔՊ-ն նման հարց իր օրակարգում չունի։ «Եթե որևէ մեկն ուզում է հանդիպել, ապա, օրինակ, ես այսօր քաղաքացիների հետ ընդունելության եմ, կարող են գրանցվել ու գալ մեր հետ հանդիպման, որևէ այլ օրակարգ չկա հանդիպման։ Մեր օրակարգում բացառում ենք նման հարցի քննարկման համար որևէ մեկի հետ հանդիպում, նման քննարկում չկա, ես նման անհրաժեշտություն չեմ տենում։ Մենք վստահ ենք, որ իմպիչմենտի օրակարգը բացառված է։ Հանգիստ եղեք, ևս մեկ անգամ ասում եմ՝ ՔՊ-ում նման օրակարգ չկա»,- նշել է նա։

Աղբյուր` Փաստինֆո