Փաստ ինֆո

Ուկրաինայում դժգոհ շրջանակները կարող են փորձել սպանել Վլադիմիր Զելենսկին՝ 1944 թվականին Ադոլֆ Հիտլերի դեմ գերմանական վերնախավի մի մասի կողմից իրականացված մահափորձի սցենարով, այց նրան փոխարինելու կգա «օպերետային գործիչը»։ ТАСС-ի փոխանցմամբ՝ այս մասին ասել է ՌԴ Անվտանգության խորհրդի փոխնախագահ Դմիտրի Մեդվեդևը։

Նա հնարավոր է համարել, որ Ուկրաինայում մայիսի 21-ին Զելենսկու նախագահական լիազորությունների ավարտից հետո «անկարգություններ լինեն հասարակության շերտերի շրջանում, որոնք դաժանորեն կճնշվեն»։  

«Կամ կոկաին օգտագործող չար ծաղրածուի դեմ մահափորձ կարող է լինել՝ Հիտլերի դեմ մահափորձի համանման սցենարով։ Հատկապես, եթե ուկրաինական դժգոհ օլիգարխիայի մի մասը որոշի հեռացնել խելագար դերասանիկին՝ նրան փոխարինելով ավելի հավատարիմ գործիչով»,- ասել է Մեդվեդևը՝ պատասխանելով ՏԱՍՍ-ի հարցերին։

«Սակայն դա ոչինչ չի փոխի ո՛չ ուկրաինացիների, ո՛չ էլ մեզ համ, եթե չհայտնվի օպերետային նոր գործիչ, որը կաշկանդված չէ Ռուսաստանի հետ բանակցությունների սեփական արգելքներով»,- ամփոփել է Մեդվեդևը։

Ուկրաինայի գործող նախագահի լիազորությունները լրանում են մայիսի 21-ի գիշերը։ Երկրում ընտրությունները պետք է կայանային դեռ մարտին, սակայն չեն անցկացվել գործող ռազմական դրության պատրվակով։

1944 թվականին կազմակերպված Վերմախտի մի խումբ բարձրաստիճան սպաների կողմից Հիտլերի դեմ մահափորձը պատմության մեջ մտել է որպես «Հուլիսի 20-ի դավադրություն»։ Ծրագիրը ձախողվել է՝ Հիտլերը ստացել է ուղեղի ցնցում և մի քանի այրվածքներ։ Արդյունքում գերմանական բանակում սկսվել են զտումներ՝ մոտ 200 մարդ մահապատժի է ենթարկվել կամ մահացել կալանքի տակ։

Աղբյուր` Փաստինֆո