Փաստ ինֆո

Չեմ կարծում, որ ներկայում որևէ երկիր պատասխանատվություն կընդունի, եթե անգամ ինքը կատարած լինի այս դեպքը։ Առայժմ հստակ պատասխան չկա, թե ինչ է տեղի ունեցել, նախնական վարկածն այն է, որ ավիավթար է տեղի ունեցել՝ եղանակային վատ պայմանների հետևանքով, բայց մի քիչ տարօրինակ է՝ հաշվի առնելով, որ երկրի ղեկավար է զոհվել, ԱԳ նախարար, նահանգապետ, Թավրիզի հոգևոր դասի ներկայացուցիչ և այլն։ Այս մասին «Փաստինֆո»-ի հետ զրույցում ասաց իրանագետ Ահարոն Վարդանյանը։

Հիշեցնենք, որ ողբերգական ավիավթարը տեղի է ունեցել մայիսի 19-ին՝ Ադրբեջանի նախագահի հետ սահմանին տեղի ունեցած հանդիպումից հետո։ «Եղանակային վատ պայմանները» ճակատագրական են եղել միայն ԻԻՀ նախագահի ու նպան ուղեկցող այն պաշտոնյաների համար որոնք գտնվել են նրա հետ նույն ուղղաթիռում։ Նախագահին ուղեկցող մյուս երկուո ինքնաթիռը բարեհաջող հասել են տեղ։

«Ամեն դեպքում, բնականաբար այստեղ հացեր են առաջանում, թե ինչպես կարող էր դա պատահել։

Հաշվի առնելով Իրանի և Իսրայելի հարաբերությունները, երբ խոսվում է ահաբեկչության կամ սպանությունների մասին, ապա առաջինը հայացքը թեքվում է դեպի Իսրայել, բայց չեմ կարծում , որ եթե անգամ այդպես է, ապա սա շատ լուրջ հարված է և բնականաբար պատասխանն էլ նույնը կլինի, հետևաբար, Իսրայելը պետք է հայտարարի, որ առնչություն չունի միջադեպին»,- նշել է մեր զրուցակիցը։

Իրանագետը դիտարկմամբ՝ Իրանում այս պահին տարբեր վարկածներ են շրջանառվում։ «Վարկածների մեկն էլ այն է, որ Իսրայելից գործողություններ են տեղի ունեցել, որոնք ոչ թե անմիջապես ղեկավարվել են Իսրայելից, այլ Ադրբեջանից ու Ադրբեջանի տարածքից։
Մասնավորապես, ինչպես հայտնի է, մերձարաքսյան հովիտը, որտեղ տեղի է ունեցել Ադրբեջանի և Իրանի նախագահների հանդիպումը, մոտ է գտնվում Ալիևի կողմից վերջերս կառուցված Վարանդայի օդանավակայանը, որը Իրանում շատերի կողմից համարվում է իսրայելական որջ՝ ուղղված Իրանի դեմ։ Այս ամենը հաշվի առնելով՝ խոսակցությունները անպակաս կլինեն»,- նշել է նա։

Անդրադառնալով տարածաշրջանին՝ Վարդանյանն ասաց, որ անպայման որոշակի քաոտիկ իրավիճակ կարող է լինել, չնայած Իրանում նշում են, որ անհանգստանալու կարիք չկա, քանի որ Իրանի սահմանադրությունը բոլոր դեպքերի համար կարգավորումներ ունի։ «Այսինքն, մոտ 50 օր երկիրը կղեկավարի Իրանի առաջին փոխնախագահը, ապա կլինեն ընդրություններ։ Բայց մենք հասկանում ենք, որ որոշակի ժամանակահատվածում Իրանն հայտնվում է տուրբուլենտ զոնայում, ընտրությունները, նախընտրական շրջանը լավ առիթ են երկրում որոշակի անհանգստություններ առաջացնելու համար։ Երբ այս ամենն ի մի ենք բերում, ապա ակնհայտ է դառնում, որ ապագայում անհանգիստ իրավիճակներ են սպասվում»։

Ինչ վերաբերում է Հայաստանի հետ հարաբերություններին՝ Վարդանյանն ընդգծեց, որ լինելով Իրանի բնական դաշնակիցն ու 1000-ամյակների հարևանն ու բարեկամ երկիրը՝ Հայաստանն անմասին չի մնալու, եթե որևէ անհանգիստ իրավիճակ լինի։ «Ամեն դեպքում՝ տարածարջանում ենք, փախնելու տեղ չունենք ու պետք է ակնդետ հետևենք իրադարձություններին՝ պատրաստ լինելով ցանկացած փոփոխությունների ու զարգացումների»։

Աղբյուր` Փաստինֆո