Փաստ ինֆո

Տավուշում Ադրբեջանական կողմն արդեն որոշ հատվածներում առաջ է եկել՝ զբաղեցնելով գերակա դիրք։ Այդ գերակա դիրքը հետագայում հնարավորություն է տալու ցանկացած պահի խորամուխ լինել և փաստացի շատ ավելի մեծ տարածքներ իր ամբողջական և ուղղակի վերահսկողության տակ վերցնել։ Այս մասին «Փաստինֆոյի» հետ զրույցում ասաց թյուրքագետ Վարուժան Գեղամյանը։

Նրա դիտարկմամբ՝ այդ գործընթացը հնարավոր է ամեն պահ կասեցնել։ «Ցանկացած պահի, երբ Հայաստանը պաշտոնապես ասի, որ եթե իրական դելիմիտացիա ու դեմարկացիա է, ապա այն պետք է ունենա հստակ սկզբունքներ։ Այդ սկզբուններից մեկը, օրինակ, այն կարող է լինել, որ Հայաստանը կարող է դելիմիտացիա կատարել, երբ ադրբեջանական կողմը տա այն տարածքները, որոնք ինքն է գրավել, ընդ որում, դա արել է ոչ թե 1990-ականներին, այլ 2020 թ-ի նոյեմբերի 9-ից հետո՝ Սյունիքում և Գեղարքունիքում»։

Հարցին, թե նախօրեին ԱԽ քարտուղար Արմեն Գրիգորյանն հայտարարում էր որ ստեղծվել է նախադեպ և ըստ այդմ՝ այն ինչ Ադրբեջանինն է՝ վերադառնալու է Ադրբեջանին, իսկ այն ինչ Հայաստանինն է վերադարձվելու է Հայաստանին, սակայն ո՞րն է երաշխիքը, որ ՀՀ-ին կվերադարձվի 200 քկմ տարածքը, այն դեպքում, երբ Բերքաբերի 8 քկմ-ն այս սահմանազատման արդյունքում վերադարձված չէ՝ Գեղամյանն ասաց, որ որևէ երաշխիք չկա 2 պարզ պատճառով, նախ այդ ասող անձը, որևէ դեպքում ճիշտ դուրս չի եկել վերջին 6 տարիներին, հետևաբար, չի կարող ճիշտ դուրս գալ այս պարագայում ևս։ «Երկրորդը, հենց իշխանությունն է ասում, որ որևէ երաշխիք չունեն, որ նոր տարածքներ չեն նվաճի։ Բացատրեք ինձ, ինչո՞ւ պետք է Ադրբեջանը որևէ բան զիջի, երբ իր դիմացինը որևէ պահանջ չի ներկայացնում և որևէ կերպ ցույց չի տալիս, որ պատրաստ է դիմադրել»,-ասաց Գեղամյանը։

Մանարամասները՝ տեսանյութում

Աղբյուր` Փաստինֆո