Փաստ ինֆո

«Ամենաուժեղ տիտանն ո՞վ է, որ ճանաչում եք, բերեք նրան վարչապետ կարգենք։ Մեր խնդիրները ծայրահեղ բարդ են, հեշտ չեն լինելու դրանք լուծել»,- լրագրողների հետ զրույցում ասել է ՀՀ նախկին գլխավոր դատախազը։

Ինչպես արդեն նշել ենք՝ Արթուր Դավթյանը եւս միացել է Բագրատ Սրբազանի շարժմանն ու պահանջում է Նիկոլ Փաշինյանի հրաժարականը։ Ընդ որում՝ նա ոչ թե հրաժարական է տվել, այլ մինչեւ վերջին րոպեն պաշտոնավարել Ն. Փաշինյանի ղեկավարության ներքո, մասնակցել քաղաքացական ընդդիմախոսների նկատմամբ հետապնդումներին, մինչեւ իր պաշտոնավարման ժամկետը լրանալը։

Այսօր նա լրագրողներին ասել է, որ Նիկոլ Փաշինյանի հետ իր հարաբերություններն աշխատանքային են եղել, որոնք ավարտվել են՝ իր պաշտոնավարման սահմանադրական ժամկետի ավարտի հետ միասին։ ավարտվել է այդքանով ավարտվել են աշխատանքային հարաբերությունները։

Պնդել է, թե իր համար՝ որպես ՀՀ քաղաքացու, կառարվարության վարած քաղաքականությունն անընդունելի է դարձել Արցախի հարցը նման կերպով լուծման տանելու պահից։

«Գիտեք, դատախազական գործունեությունը ունի հստակ քաղաքական զսպվածության պահանջ։Ինձ համար բացարձակ անընդունելի էր որպես ՀՀ քաղաքացի, որ մի ամբողջ հայ ժողովրդի հատված պետք է նստեր ու նայեր, թե ինչ է կատարվում Արցախում», - ասել է Դավթյանը՝ նշելով, որ ներկա են գտնվում Սրբազանի հանդիպմանը անհամաձայնություն հայտնելու, որ չեն ւարծում, որ սա լավագույն լուծումն է ։

«Ինչ է առաջարկվում, ասում են, եթե չիրականացնեք այսօրվա ընթացքով, ապա կունենանք պատերազմ, հետո, երբ իրականացնում ենք, չենք կարող ասել կունանա՞նք պատերազմ, թե՞ ոչ։Սա լուծման բացակայություն է։ Նախ՝ բացարձակապես անընդունելի է սեփական ժողովրդի հետ վախեցնելով խոսելը։ Ներսում ինչ ջրբաժաններ էլ ունենանք, որքան խորը դրանք լինեն, արտաքին, միջազգային շփումների ժամանակ միասնական պետք է լինենք։Դրա մասին բարձրաձայն խոսել, որ՝ ժողովուրդ, այսպես չլուծենք պատերազմ կլինի..., թող լինի պատերազմ, դու նրա համար ես, որ նաև պատերազմների ժամանակ այնպես ղեկավարես, որ հաղթանակներով պսակվենք»,- ասել է Նիկոլ Փաշինյանի պաշտոնավարման օրոք գլխավոր դատախազ աշխատած Արթուր Դավթյանը։

Նրա փոխանցմամբ՝ նմանատիպ բարդագույն հարցերի վերաբերյալ տարբեր լուծումներ կարող են լիենլ։

«Լուծում մեկ ՝ իրականացնում ենք սահմանազատում, սկսում ենք Տավուշից այսպես, ինչպես իրականացնում ենք, և ունենք հստակ երաշխավորություն, որ դրա արդյունքում ունենալու ենք հաստատաված երկարատև խաղաղություն։ Կամ սկսենք Սև լճի հատվածից, սա էլ է լուծում, բայց ինչ -որ այսօր արվում է լուծման բացակայություն է», - նշեց ՀՀ նախկին գլխավոր դատախազը։ Նա անընդունելի համարեց, որ հակառակորդի ամենավերջին սպառնալիքների ներքո սահմազատում անելը, երբ հակառակորդը Հայաստանն Արևմտյան Ադրբեջան է կոչում ։

Աղբյուր` Փաստինֆո