Փաստ ինֆո

Այս շարժումը սկսվել է մեկ նպատակով և մեկ ծրագրող՝ կասեցնել այս ապօրինի գործընթացը և որպես հետևանք՝ այս իշխանությունների հեռացումը։ Այլ լուծում չկա։ Այսօր Կիրանցն է, վաղը՝ այլ վայրեր։ Տեղայնացված չէ մեր խնդիրը ՝ լայն իմաստով։ Այո, մարդկային կյանքերն ու ճակատագրերն են, այդ պատճառով էլ՝ մեր ամբողջ ընթացքն սկսել է Կիրանցից, Ոսկեպարից, իրենց օրհնությամբ է սկսել՝ ոչ միայն իրենց համար, այլև՝ պետության։ Այս մասին լրագրողների հետ զրույցում ասաց Տավուշի թեմի առաջնորդ Բագրատ արքեպիսկոպոս Գալստանյանը։

«Այդ ժողովրդի պայքարը միայն մեկ տեղ չէ սահմանափակված, ամենուր է։ Այդպես պետք է մտածենք, գնահատենք»,- ասաց Բագրատ Սրբազանը։
Ինչ վերաբերում է ԱԽՔ հայտարարությանը՝ կապված սահմանազատման աշխատանքներին, թե իբրև սա լավագույն տարբերակն է, Սրբազանն ասաց, որ գլխավոր խնդիրն այս մարդկանց՝ մոլորության և ստախոսության խնդիրն է։
«Քարտեզներ են հրապարակվել, շատ փորձագետներ են խոսել։ Հարցն ի բնե, ի ծնե՝ մոլորեցնող ու սուտ է։ Այստեղ երկու-երեք տան խնդիր է, թե՞ պետության, նույնիսկ Կիրանցի մեր բնակիչներն են դա ասում։ Փորձ է արվում ամբողջ պատասխանատվությունը դնել գյուղացիների վրա, ընդ որում՝ պառակտելով իրենց»,- ասաց Բագրատ Սրբազանը։

Աղբյուր` Փաստինֆո