Փաստ ինֆո

Երեկ ՀՀ և Ադրբեջանի սահմանազատման հանձնաժողովներն ի կատարումն ապրիլի 19-ին ընդունված համատեղ նիստի ընդունած արձանագրության՝ համաձայնեցրել են ՀՀ Բաղանիս-Ադրբեջանի՝ Բաղանիս-Այրում, ՀՀ Ոսկեպար-Ադրբեջանի՝ Աշաղա-Ասպարա, ՀՀ Կիրանց-Ադրբեջանի՝ Խեյրիմլի, ՀՀ Բերքաբեր-Ադրբեջանի՝ Կզըլ Հաջիլի գյուղերի սահմանային նախանշված հատվածները և ստորագրել են այդ սահմանային հատվածների նկարագրություն արձանագրությունները։ Ես տեղի ունեցածը համարում եմ մեծ հաջողություն։ Այս մասին կառավարության նիստում հայտարարեց Նիկոլ Փաշինյանը։

«Մեր ինքնիշխանության և անկախության հետագա զարգացման և ամրապնդման համար հետագայում կարևոր անկյունաքար է դրվել։ Մեր հանրապետությունն անկախությունից ի վեր առաջին անգամ պաշտոնապես ունի դելիմիտացված սահման, որը էականորեն մեծացնելու անվտանգության և կայունության մակարդակը ոչ միայն նշված գյուղերի հատվածում, այլև՝ ՀՀ-Ադրբեջան սահմանի երկայնքով»,- հայտարարեց Փաշինյանը։

Նրա խոսքով՝ արձանագրված է, որ սահմանազատումը տեղի է ունեցել 1976թ․ քարտեզներով, որոնք հերթապահության գործընթաց են անցել 1979թ։

«Մեզ համար սկզբունքային էր, որ սահմանազատման գործընթացում Հայաստանի և Ադրբեջանի միջև ոչ թե նոր սահման ստեղծել, այլ նախկինում Ալմաթիի հռչակագրով հաստատված վերարտադրելու գործընթաց։ Այսինքն՝ ոչ թե պետք է սահման ստեղծել, այլ պետք է վերարտադրենք այն սահմանները, որ գոյություն են ունեցել ԽՄ փլուզման պահին և ունեն դե յուրե, իրավական նշանակություն»,- հայտարարեց Փաշինյանը։

Ըստ Փաշինյանի՝ «սահմանն անցնում է այնտեղով, որտեղով անցնում է», սակայն դա Փաշինյանի համար ևս կարևոր սկզբունք է, քանի որ դրանից շեղումը, ըստ նրա, ստեղծում է էսկալացիայի նոր աղբյուր, մինչդեռ, այս սկզբունքով դա էականորեն նվազում է։ Նա նաև վստահեցրեց, թե Ոսկեպարի եկեղեցու առումով խնդիր չկա։

«Խնդիր չկա Ոսկեպար-Բաղանիս, Բերքաբերի հատվածում, որովհետև որդեգրել ենք սկզբունք, որ «սահմանն անցնում է այնտեղով, որտեղով անցնում է»։ Կիրանցում խնդիր ունենք՝ նույն պատճառով»,- հայտարարեց նա։

Աղբյուր` Փաստինֆո