Փաստ ինֆո

Բաքուն և Անկարան մտածում են ռազմական կոնտիգենտ մտցնել ՀՀ՝ ներքաղաքական կյանքին միջամտելու համար։ Այդ մասին «Փաստինֆո»-ի եթերում ասել է միջազգայնագետ Գրիգոր Բալասանյանը՝ վկայակոչելով ադրբեջանական մեդիատիրույթում առկա քննարկումները։

Միջազգայնագետը նշել է, որ Բաքվում բավական մեծ ուշադրությամբ են հետեւում Հայաստանի ներքաղաքական կյանքում տեղի ունեցող զարգացումներին եւ Ադրբեջանի պրոիշխանական վերլուծաբաններից մեկը անգամ հայտարարել է, որ Թուրքիան և Ադրբեջանը պետք է անհրաժեշտության դեպքում սահմանափակ կոնտինգենտ մտցնեն Հայաստան՝ «իրավիճակի կայունությունը կարգավորելու համար»։
«Սա արդեն չափազանց վտանգավոր է Հայաստանի համար, երբ Հայաստանում տեղի ունեցող ներքաղաքական գործընթացների հետ կապված Ադրբեջանն ու Թուրքիան մտածում են, որ իրենք կարող են ռազմական ճանապարհով ստիպել, որպեսզի Հայաստանում որևիցե գործընթացներ տեղի չունենան, ավելին՝ այս ամենը ներկայացվում է կայունության ապահովման գործով»,- նկատել է Գիրգոր Բալասանյանը։
Նա ուշադրություն է հրավիրել այն փաստին, որ այդ պրոիշխանական վերլուծաբանի մտքին ՀՀ-ից չեն պատասխանել։

«ՀՀ ԱԳՆ-ն օր առաջ և ժամ առաջ պետք է պատասխաներ՝ կոչ անելով Թուրքիային և Ադրբեջանին զսպվածություն ցուցաբերել և չմիջամտել ՀՀ ներքին գործերին , որովհետև այն, ինչ տեղի է ունենում Հայաստանի և հայ ժողովրդի ներքին գործն է և որևէ պետություն իրավունք չունի միջամտել ՀՀ ներքին գործերին։ ՀՀ ԱԳՆ- ն մտածել է, որ այս հայտարարությունը արժանի չէ պատասխանի և չի պատասխան, բայց հարևան Իրանում մտածում են, որ այս մասին պետք է պատասխանել»,- նշել է միջազգայնագետը՝ արձանագրելով, որ Իրանի հայտնի պրոիշխանական վերլուծաբաններից մեկը անթույլատրելի է համարել Հայաստանի ներքին գործերի միջամտությունը և նշել, որ Իրանը թույլ չի տա, որպեսզի Անկարան, Բաքուն կամ մեկ այլ երկիր կամ մայրաքաղաք միջամտի Հայաստանում տեղի ունեցող ներքին գործընթացներին։

Միջազգայնագետի արձանագրմամբ՝ Իրանը հերթական անգամ ցույց է տալիս, որ հուսալի գործընկեր է, որ Հարավային Կովկասում միակ պետությունն է, որը շահագրգռված է Հայաստանի տարածքային ամբողջականության պահպանմամբ եւ ՀՀ տարածքային ամբողջականությունը կարմիր գիծ է։

Աղբյուր` Փաստինֆո