Փաստ ինֆո

«Մենք ծեծելու ենք սուտը, կարկտահարելու ենք սուտը, սա վստահության մասին շարժում է, սա շարժում է, որն իր քարտերը անմիջապես չի բացում»,-ասաց երիտասարդների առաջնորդող երիտասարդ դպիրը` Թովմաս Առաքելյանը` նշելով, որ Կիրանցում ոչ մեկը չէր պատկերացնում, որ այդ բազմահազար մարդկանց վստահությունը լինելու է, իսկ հիմա կարեւոր է, որ չկասկածեն:

«Դուրս ենք եկել ազգային պետություն ունենալու ակնկալիքներով` Սրբազանի առաջնորդությամբ », -ասաց երթի մասնակից Սևակ Նազարյանը: «Նիկոլական թեզեր կան, իբրև այստեղ շպիոններ կան, նարկոբարոններ են, գլխավոր շպիոններն իրենք են, այդ իրենք են կրկնում Ալիևի թեզերը, որ պատմական Հայաստանը միֆ է, Հայաստանի իշխանությունները պատմական Հայաստանը հակադրում են ՀՀ-ին:Մեզ ամորֆ ֆորպոստ են սարքում»,-ասացին երիտասարդները:

«Եռագույնը կհաղթի սև ու սպիտակին» կարգախոսով հարյուրավոր երիտասարդներ Հանրապետության Հրապարակ միասնական երթով շարժվեցին, Մատենադարանի մոտից։Նրանց մի մասը հաջակցություն ճշմարտության պայքարին ուրբաթ դասադուլ է արել, մի մասը՝ գործադուլ։«Կիրակի երեկոյան հանրահավաքին մեր միասնական երթը նպատակ ունի առանձնահատուկ ընդգծել,որ երիտասարդներն անմասն չեն հայրենիքի տարածքային ամբողջականության պաշտպանությանն ուղված պայքարին։

Երթի մասնակիցների թվում կան բազմաթիվ երիտասարդներ, ովքեր մասնակցել են արցախյան գոյամարտին, կամ իրենց տուն-տեղը թողել են օկուպացված Արցախում:

Աղբյուր` Փաստինֆո