Փաստ ինֆո

«Տավուշը հանուն հայրենիքի» շարժման առաջնորդ  Բագրատ Սրբազանը կոչով դիմել է սփյուռքահայերին՝ հորդորելով միանալ հանրահավաքներին ու վերադառնալ ազատագրված Հայաստան։

«Շատ ուրախ ենք, որ արձագանքներ ենք լսում, որով դուք ձեր անհամաձայնությունն եք հայտնում Հայաստանի այսօրվա  կառավարության ձեռնարկած գործունեությանը, որով, ըստ էության, միակողմանի զիջումներ են արվում մեր տարածքից թշնամուն: Մենք շնորհակալություն ենք հայտնում ձեզ, միևնույն ժամանակ հորդորում, որ դուք մեծ թվով ներկայանաք կազմակերպված աջակցության հանրահավաքներին և ձեր ձայնը բարձրացնեք՝ այն դարձնելով համահայկական»,-նշել է Սրբազանը:

Նա նաև հավելել է, որ սա ճշմարտության պայքար է, որը պետք է հաղթանակի։ «Ճշմարտության հաղթանակով բոլորս կազատագրվենք։ Որքան ապաքինվի հայրենիքը, այնքան ապաքինում կստանաք դուք: Սպասում ենք ձեզ ազատագրված եւ հաղթանակած Հայաստանում»,- ասել է Սրբազանը։

Աղբյուր` Փաստինֆո