Փաստ ինֆո

Ինձ փորձում են կապել երկրորդ կամ երրոդ նախագահների հետ, անընդհատ խոսում են դրա մասին, բայց իրենք այնքան ստախոս են, որ փորձում են այդ կերպ մարդկանց մտքերը պայքարի բովանդակությունից հեռու տանել, փորձել կապել մեծ երկրների հետ, ազդեցության գոտիների հետ, մոռանալով որ հենց իրենք են այդպիսին լինել; Դրա համար եմ խորհորդ տվել հայելի պահեք ձեր տներում ու տանից դուրս գալուց նայեք այդ հայելու մեջ; Այս մասին Հանրապետության հրապարակում հայտարարեց Բագրատ Սրբազանը։

Նա նշեց, որ բանաձևել է այն պահանջը, որ ներկա կառավարության ղեկավարը պետք է հրաժարական տա։ «Դա ձեր պահանջն է եղել։ Մեզ ասում են՝ անհաղթահարելի պահանջ եք դրել, ոչ, մենք նշաձողն են սահմանել, այս ժողովրդի պահանջն է դա։ Հայաստանում հստակ պետք է լինի, որ այս կառավարության ղեկավարն այլևս անընդունելի է, հոգևոր ու բարոյական դաշտում իրենք այլևս գոյություն չունեն»,-ասաց Սրբազանը։

Հոգեւոր հայրը նաև հայտնեց, որ հանդիպել է ԱԺ երկու ընդդիմադիր խմբակցությունների հետ և քննարկել վարչապետին անվստահություն հայտնելու հարցը. «Ժողովուրդ ջան, բա ո՞ւմ հետ պետք է հանդիպեի: Երեք խմբակցություններն են այն օրինական ճանապարհը, որով անվստահության գործընթացը իրականացվում է: Իրենց եք ընտրել, իրենց հետ ենք հանդիպել: Երկու խմբակցություններն էլ հաստատել են իրենց պատրաստակամությունը՝ այդ գործընթացը սկսելու: Ժամկետների առումով կտեղեկացնեմ: Երրորդ խմբակցությունը ՔՊ-ն է, որոնք երեկ իրենց պրոֆիլները փոխել են իրենց ղեկավարի նկարով՝ ասելով՝ մենք մարդ չենք, մեր դեմքը ահավասիկ, սա է: Սա չլսված բան է և երկու դեպքում էլ մեղք է»,-ասաց նա:

Սրբազանը հայտարարեց, որ գործող իշխանությունը լեգիտիմ չէ, քանի որ 2021-ին ոչ իրենց նախընտրական ծրագում, ոչ բանավոր հայտարարություններում չեն արձանագրել բաներ, որ իրականացնում են հիմա, այլև հակառակը հակառակն են արձանագրել. «Վերջին հարցումներով կառավարությունն ունի 7 տոկոս վստահելիություն, ԱԺ-ն՝ 8 տոկոս: Սա՞ է լեգիտիմությունը: Սա խաբեություն է, սուտ»:

Նա նաև հանձնարարեց մինչև կիրակի երեկոյան մշակել և կազմել խաղաղ բանակցությունների սահմանազատման և գծման հստակ հայեցակարգը և այդ բանակցությունների անընդհատականությունը։

«Նոր ստեղծված դիվանագիտական խորհրդին ուզում եմ հանձնարարել մշակել և կազմել խաղաղ բանակցությունների սահմանազատման և սահմանագծման անընդհատականությունը»,-նշեց նա։

Սրբազանը սպայական կազմին հորդորեց պետական անվտանգության հայեցակարգ ներկայացնել, խնդրեց մինչև կիրակի երեկո պատրաստել այն։ «Մեր փափագն է, որ դուք կարողանաք համեմատություն անել, որ դուք հասկանաք, թե ինչ վիճակում եք հիմա ու ինչ ենք առաջարկում մենք հիմա ձեզ»։

Նա խնդրեց հավաքվածներին մարդկանց ձեռքերը ծալած չնստել և նույնպես ներկայացնել, թե ինչ գործողություններ են ուզում իրականացնել։

Աղբյուր` Փաստինֆո