Փաստ ինֆո

Նիկոլ Փաշինյանի հրաժարականով կվերադարձվի Հայոց Եռատոնը, որը գողացել եք ժողովրդից։ Այս մասին Հանրապետության Հրապարակում համազգային հանրահավաքի ժամանակ հայտարարեց Տավուշի թեմի առաջնորդ Բագրատ արքեպիսկոպոս Գալստանյանը։

« Մեր այս հրաշք ժողովուրդը, իմ ժողովուրդը, Կիրանցի, Բաղանիսի, Ոսկեպարի ժողովուրդը, որոնք Հայաստան են ազատագրել, հայրենիք են պահել, փաստեցին՝ ասելով, որ ոգին հաղթել է «դուխին»։ Մենք այսօր փաստում ենք՝ եռագույնը հաղթել է՝ սև ու սպիտակին, շատ շուտով պետք է հռչակենք՝ հոգևոր Հայաստանը հաղթելու է թազա Հայաստանին, ծնվելու է՝ նոր Հայաստանը՝ նոր տեսլիքներով, նոր խոսքով, նոր շքերթով, նոր հաղթարշավով։ Մեր Տիրոջ խոստումն է սա՝ դու չես լինելու լքյալ, դու լինելու ես շեն, չես լինելու ավերակ, լինելուս ես իմ երկիրը՝ օրհնության երկիր։ Այդպես է ասում մեզ՝ մեր Տեր Աստված։ Այսօր մենք ես-ով ենք դարձել իրեն, շրջվել ենք իրեն՝ մաքրվելու, զղջալու, սրբվելու, վերստին վերականգնվելու, ապաքինվելու, հրաժարվելու՝ բոլոր տեսակի մեղքերից, առաջինը՝ ստից, կեղծիքից, ուրացումից, դավաճանությունից, մատնությունից։ Այդ բոլոր արժեքները, որոնք այսօր, ցավալիորեն, մշակույթ են դառնում մեր կյանքում։ Որ ճշմարտությունը հաղթի ստին, արդարությունը՝ կեղծիքին, սերը՝ ատելությանը և վերջապես՝ հաշտությունը հաղթի թշնամությանը, բաժանումներին և մենք դառնանք՝ ազգ, որը բանակ է, ազգ, որը ամրոց է, ազգ, որը տաճար է»,- ասաց Բագատ Սրբազանը։
Սրբազանը նաև շնորհակալություն հայտնեց Գարեգին Բ Ամենայն հայոց կաթողիկոսին, ով ոչ միայն չխոչընդոտեց, այլև՝ օրհնեց։

Աղբյուր` Փաստինֆո