Փաստ ինֆո

Ն․ Փաշինյանի ասուլիսը ուղղված էր մեսիջներ հասցնելուն։ Հիմնականում, ուղղված էր Հանրապետությունում ավելացող բողոքի ակցիաները վատ լույսի ներքո ներկայացնելուն։ Տեսանելի էին ուղերձներ դեպի արտաքին խաղացողներ և արտաքին շահառուներ։ «Փաստինֆոյի» եթերում ասել է ՀՀ ԱԺ նախկին պատգամավոր Նաիրա Կարապետյանը։

Բանախոսի դիտարկմամբ, խոսքը գնում էր նրա մասին, որ ցանկանում էր ներկայացնել, թե տիրապետում է իրավիճակին, թե սահմանազատման ապօրինի գործընթացի հանդեպ չկա հանրային մեծ բողոք և արտաքին խաղացողներին փորձում էր հավատացնել, որ գործընթացը իր ձեռքերի մեջ է և որևէ վտանգ չի սպառնում։
Ըստ բանախոսի, Ն․ Փաշինյանը փորձում է համոզել իր թիմին, քանի որ այնտեղ կան մարդիկ, որոնք իրոք հավատում են այն ամենին, ինչ ասում է Ն․ Փաշինյանը։ Այն, որ նա չի տիրապետում իրավիճակին, գիտի հենց ինքը՝ Ն․ Փաշինյանը, այլապես նման ասուլիսներ հրավիրելու խնդիր չէր ունենա։ Փորձում էր Արևմուտքին և Թուրքիային համոզել, որ ծրագրից որևէ շեղում չի լինի։
Անդրադառնալով անվտանգության երաշխիքներին, բանախոսը նշեց, որ Ապրիլյան պետրազմից հետո Վիեննայում, Սանկտ-Պետերբուրգում և Ժնևում ձեռք բերված պայմանավորվածություններն էին, որ շփման գծի ողջ երկայնքով պետք է մշտադիտարկման սարքեր տեղադրվեին և դա հարցեր չէր առաջացնելու, թե ով ռազմական գործողություններ սկսեց։ Ն․ Փաշինյանը, երբ հայտարարում էր, թե ամեն ինչ իր սեփական գծից է սկսում՝ առաջին հերթին քանդում էր այդ այդ իրական դիվանագիտական երաշխիքները։ Այդ սյուները, որ տեղադրվել են, որևէ կերպով չեն զսպելու Ադրբեջանի ախորժակը։
Ն․ Կարապետյանը նշում էր, թե հետաքրքիր է, ինչն է ստիպում Փաշինյանին՝ չմնալու և չտոնելու հաղթանակի օրը Մոսկվայում։ Այստեղ երկու տարբերակ կա․ նախ, Ն․ Փաշինյանի անհանգստությունն է իր իշխանության համար, քանի որ մայիսի 9-ին Բագրատ սրբազանի առաջնորդած երթը հասնում էր Երևան և երկրորդը, արևմտյան ուժերին ցույց տալը, թե ինքնիշխան և անկախ է, որ կարողանում է չմնալ հաղթանակի տոնի արարողություններին։
«Իշխանությունների մոտ լուրջ մտահոգություն կա Բագրատ սրբազանի և Հայ առաքելական եկեղեցու կազմակերպած շարժումից, որի նպատակը միավորումն ու սահմաններին տեր կանգնելն է։ Ճնշումներ են լինելու, չեմ բացառում, որ Բագրատ սրբազանին ձերբակալելու փորձ կատարվի, սակայն կարծում եմ, որ դա ցասում կառաջացնի»,- ասել է Ն․ Կարապետյանը։

Մանրամասները՝ տեսանյութում։

Աղբյուր` Փաստինֆո