Փաստ ինֆո

Դանիայի նոր թագավոր Ֆրեդերիկ X - ը և նրա տիկինը՝ թագուհի Մարիան, առաջին հեռուստատեսային հարցազրույցն են տվել Ֆրեդերիկի ենթադրյալ սիրուհու շուրջ սկանդալից հետո: Այս մասին հայտնում է Daily Mail պարբերականը:

Ֆրեդերիկը գահը ժառանգել է հունվարին, այն բանից հետո, երբ նրա մայրը՝ 84-ամյա Մարգրետե թագուհին, որոշել է հանգստի գնալ։ Հարցազրույցներից մեկում Մարիան պատմել է այդ օրվա իր ապրումների մասին: Նրա խոսքով՝ ինքը կանգնած է եղել երեխաների հետ, երբ ամուսինն առաջին անգամ դուրս է եկել պատշգամբ՝ մարդկանց արդեն նոր կարգավիճակում ողջունելու համար: «Մենք բոլորս լսեցինք և զգացինք, չնայած չէինք կարող տեսնել, - ասում է նա: - Հիանալի պահ էր։ Ես երջանիկ էի և միաժամանակ շատ հպարտ»։

Նոր տիտղոսի հետ մեկտեղ Մարիային բազմաթիվ հոգսեր են բաժին հասել, որոնց հաղթահարումը, նրա խոսքով, երբեմն դժվար է։ «Այս ամենը շատ նոր է ինձ համար, այսքան փոփոխություններ և որոշումներ», - խոստովանում է նա:

Ոչ թագավորական զույգը, ոչ էլ հարցազրուցավարը չեն հիշատակել 2023 թվականի վերջին տարածված սկանդալը։ Թագավորական փորձագետ Ջեյքոբ Սթին Օլսենի կարծիքով՝ ամուսիններն օգտվել են հարցազրույցից, որպեսզի ցուցադրեն իրենց միասնությունը։ Սիրուհու մասին անհարմար հարցերի բացակայությունը նա բացատրել է նրանով, որ հեռուստաընկերությունը ստիպված է եղել հետեւել թագավորական տան կողմից արձակված խիստ կանոններին։

Ենթադրյալ սիրուհու հետ կապված սկանդալը կապված է Ֆրեդերիկի և իսպանուհի հայտնի Խենովևա Կազանովայի լուսանկարների հետ, որոնք արվել են պապարացիների կողմից 2023 թվականի հոկտեմբերին Մադրիդ կատարած գաղտնի այցի ժամանակ: Դանիայի ապագա թագավորը մինչև գիշերվա ժամը 1-ը նրա հետ նստել է ռեստորանում, ինչից հետո գիշերել է Կազանովայի բնակարանում։ Ընդ որում, նա, ամենայն հավանականությամբ, չի իմացել, որ իր պատուհանների տակ հերթապահում են լուսանկարիչները։

Աղբյուր` Փաստինֆո