Փաստ ինֆո

Ամենայն Հայոց Հայրապետը օրհնել է, ոչ թե՝ առաջնորդել։ Հիմա ինչ ուզեն՝ կասեն։ Այս մարդիկ այլևս սուտ էլ չեն ասել, այլևս՝ ինչ ուզում ասում են։ Այս մարդիկ արդեն սկսել են իրենք իրենց խաբել։ Իրենք իրենց սուտ են ասում, իրենք իրենց՝ հավատում։ Արդեն այդ փուլին ենք հասել։ Այս մասին լրագրողների հետ զրույցում ասաց Տավուշի թեմի առաջնորդ Բագրատ արքեպիսկոպոս Գալստանյանը։

«Ինչը պարզաբանեմ։ Չեղած բաներն ինչ պարզաբանեմ։ Ասում եք՝ իշխանություններ, որ չկա՝ ես ի՞նչ պարզաբանեմ։ Ես հո Աստված չե՞մ, որ չեղած բանից, ոչնչից մարդ ստեղծեմ»,- ասաց Բագրատ Սրբազանը՝ անդրադառնալով իշխանությունների հայտարարություններին, թե թեև Գարեգին Բ-ն է առաջնորդում շարժումը, բայց իրականում քաղաքական գործիչների անուններ են շրջանառում։

Դիտարկմանը, որ եկեղեցու դեմ ճնշումներ են իրականացվում՝ Սրբազանն արձագանքեց՝ նշելով․ «Սովետական շրջանն էլ ճնշումներ եղել, ինչ եղավ սովետի հետ։ Եթե նույնն են ուզում անել, ոչնչով չի տարբերվում, բայց ինչը տապալվեց, եկեղեցուն ոչինչ չեղավ, թվերը մի քիչ նվազեցին, բայց Սովետական միություն չկա ու չի էլ լինելու»։

Աղբյուր` Փաստինֆո