Փաստ ինֆո

«Մեր գյուղապետին դարձնում են պատասխանատու, որ հետո մի բան լինի՝ գցեն իրեն վրա, գյուղացու վրա»,- «Փաստինֆո»-ին ասել է Կիրանց գյուղի բնակչուհի Գոհարը։ Նա նույնպես ծանոթ էր համայնքապետի այսօրվա հայտարարությանը, որտեղ վերջինս գոհունակություն էր հայտնել իրականացվող սահմանազատման գործընթացի առնչությամբ՝ նշելով, որ ադրբեջանական գյուղի անգամ 25 տոկոսը մնում է հայկական հսկողության ներքո։

Կիրանցի բնակչուհին նշեց, որ այս պահին դադարեցվել են սահմանազատման աշխատանքները ու կասկած հայտնեց, որ դա պայմանավորված է մեկնարկած քայլարշավով։

Պաշտոնապես ոչինչ չի ասվել գյուղացիներին, պարզապես ոստիկանները լքել են գյուղ, ուստիեւ ենթադրում են, որ ժամանակավոր դադարեցրել են և սահմանազատումը չի շարունակվում: Ինչ վերաբերում է արդեն իսկ դրված սյուներին, ապա, ըստ բնակչուհու, դրանք տեղադրվել են այն հատվածներում է, որտեղ ի սկզբանե Կիրանցի բնակիչները խնդիր չեն տեսել։

«Իմ տրամաբանությամբ՝ այդ ամենը թողել են վերջում, որ մեծ աղմուկ չբարձրանա: Փաշինյանը մեզ հետ հանդիպման ժամանակ ասել է, որ այդ սյուների տեղը չի փոխվելու:Շատ- շատ մի 40 մետրի տարբերություն կարող են թույլ տալ՝ ի օգուտ, ի վնաս մեզ: Հիմա եկել՝ ասում են այդ սյուները չեն լինելու:Բա որ չի՞ լինելու՝ ինչի էին մեզ այդ ամենի մեջ դնում, մարդկանց հոգեկան հիվանդ սարքում:Եկել, հասել են ամենամեծ աղմուկ բարձրացրած վտանգի հատվածին, ու դա թողնում են կամ վերջում անեն, կամ մի գուցե բանակցում են, չգիտեմ»,- ասել է Գոհարը՝ նշելով, որ դպրոցից 50 մետր այն կողմ, որ սյուն դնեն՝ մեծ աղմուկ կբարձրանա եւ մայիսի 9-ի մեծ հանրահավաքը ուզում են կանխել:

«Մինչև մայիսի 15-ը ժամանակ ունեն, գլխավոր պատասխանատու դարձնում են գյուղի վարչական ղեկավարին, որ նա այսօր հանգստացնի, մի լավ բան ասի, բողոքը թեթևանա, մարի, իսկ հետո գան ու

շարունակեն, խնդիրն էք գցեն գյուղապետի ու գյուղացիների վրա խնդիրը»,- նյարդայնազած ասել է բնակչուհին՝ ավելացնելով, որ սահմանազատված հատվածին իրենց չեն թողնում մոտենալ, որ տեսնեն, միայն համայնքապետին են մոտ թողել, որ խոսի:

Աղբյուր` Փաստինֆո