Փաստ ինֆո

այ- ռուսական հարաբերությունների մեջ որոշակի հստակեցումներ կլինեն մայիսի 8-ին։ «Փաստինֆո»-ին ասել է քաղտեխնոլոգ Արմեն Բադալյանը։

Նրա դիտարկմամբ՝ հարցը երդմնակալությանը Նիկոլ Փաշինյանի մասնակցությունը չէ եւ ոչ էլ մայիսի 9-ին տոնակատարությանը մասնակցելն է էական, գուցե միայն քարոզչական տեսանկյունից։

Ռազմավարական տեսակետից, քաղտեխնոլոգի դիտարկմամբ, Եվրասիական տնտեսական միության 10-րդ գագաթնաժողովին մասնակցելու շրջանակներում, այդտեղ տեղի կունենա լուրջ խոսակցություն կլինի ՌԴ նախագահի և ՀՀ վարչապետի միջև, դրանից հետո կարող է որոշակի հստակեցում լինի՝ Հայաստան- Ռուսաստան հարաբերություններում»,- ասել է Ա. Բադալյանը՝ նշելով, որ խոսքը գնում է հստակեցման հավանականության մասին։

Բադալյանը նաև վստահ է, որ Հայաստանում ռուսամետություն չկա, ընդդիմությանն ուղղված մեղադրանքները, թե, իբր, բոլոր ընդդիմադիրները ռուսամետ են անհատ իշխանականների մանր հակաքարոզչական թեզեր են։ Իսկ հակառուսական տրամադրությունների գեներացմանը, ըստ նրա, մեծապես կապված է 2023-ի սեպտեմբերի 19-ի ռուսական խաղաղապահների որդեգրած չեզոք գործընթացի հետ, որի արդյունքում Արցախը հայաթափվեց։

«Այսօր անգամ ազատ, թափանցիկ ընտրությունների արդյունքում ռուսամետ ուժ Հայաստանում չի կարող գալ իշխանության»,- ասել է Ա. Բադալյանը՝ ավելացնելով, որ այսօր Հայաստանում չկա ռուսամետ ուժ, որովհետև ռուսները 30 տարի միշտ աշխատել են իշխանությունների հետ։

«Հիմա, երբ նայում ենք, թե իրենք ում են մեջտեղ բերում՝ օրինակ, Միհրան Պողոյան, Արշակ Կարապետյան, զարմանում ես, ասում՝ լավ էլի, ինչքան աղքատիկ է ռուսական կողմի գործիքակազմը»,- նշել է քաղտեխնոլոգը։ Ըստ նրա՝ այսօր Հայաստանի միակ դաշնակիցը մնացել է Իրանը, որի ջանքերով Թուրքիայի ու Ադրբեջանին կողմից հարձակում չկա Հայաստանի նկատմամբ։

Աղբյուր` Փաստինֆո