Փաստ ինֆո

ՀՀ քաղաքացիների ճնշող մեծամասնությունը պատրաստ չէ ադրբեջանցիների հետ համակեցության։ Այդ մասին են վկայում ապրիլի 22-25-ն ընկած ժամանակահատվածում «GALLUP International Association»-ի իրականացրած հարցման արդյունքները։ Դրանց մասնակցել է 1100 մարդ:

Քաղաքացիներից հետաքրքրվել են, թե պատրա՞ստ են համակեցության ադրբեջանցիների հետ, եթե միջազգային կառույցներով երաշխավորվի խաղաղությունն ու անվտանգությունը:

Հարցվածների 6.2 տոկոսը ասել է միանշանակ այո, 9.6 տոկոսը՝ ավելի շուտ այո, 6.1 տոկոսը՝ ավելի շուտ ոչ, 75.5 տոկոսը՝ միանշանակ ոչ, 2.4 տոկոսը դժվարացել է պատասխանել:

Հարցին, թե որ դեպքում եք պատրաստ իշխանափոխության համար դուրս գալ փողոցային պայքարի՝ հարցվածների 23,4 տոկոսը նշել է, որ պատրաստ է դուրս գալ այն դեպքում, եթե նոր տարածքներ հանձնվեն Ադրբեջանին, 22.5 տոկոսը նշել է՝ նոր պատերազմի դեպքում, 13.7 տոկոսը պատասխանել է ուժեղ, կամային հատկանիշներ ունեցող լիդերի, 10 տոկոսը նշել է, որ իշխանափոխության հստակ օրակարգով քաղաքական ուժի դեպքում։

Միայն 4.5 տոկոսն է, որ պատրաստ է փողոց դուրս գալ սոցիալ- տնտեսական կտրուկ վատթարացման դեպքում։

Հարցվածների 36.8 տոկոսը ոչ մի դեպքում պատրաստ չէ դուրս գալ պայքարի։

Աղբյուր` Փաստինֆո