Փաստ ինֆո

Քրեական օրենսգրքում նախատեսված է հանցակազմի հատկանիշներ պարունակող հանցակազմի տեսակ, որը ենթադրում է ՄԻՊ-ի նկատմամբ բացահայտ անհարգալից վերաբերմունք ցուցաբերելը կամ վիրավորանքը։ Սա առանձին հանցակազմ է։ Այս մասին ԱԺ-ում լրագրողների հետ զրույցում ասաց ՄԻՊ Անահիտ Մանասյանը՝անդրադառնալով հարցին, թե տևական ժամանակ է, ինչ Երևանի բոլոր վարչական համայնքներում փակցվել են իր լուսանակրները՝ գրառմամբ, թե փնտրվում է ՄԻՊ-ը։

«Ոչ միայն սա, այլև այս ամենի կազմակերպվածությունը, համակարգվածությունը և շարունակականությունը, որ այս մեկ տարվա ընթացքում է դրսևորվել, այս ամենը առերևույթ հանցակազմի տարրեր պարունակող հատկանիշ է, որի վերաբերյալ, բնականաբար, ես որևէ հաղորդում որևէ իրավապահ մարմնի չեմ ներկայացրել, և մի տեսակ տարօրինակ եմ համարում, որ անձինք իրենք են սկսում այդ խնդրի վերաբերյալ խոսել»։

Նա ընդգծեց, որ լուսանկարների տարածումը և կոչերը, թե՝ կարող եք միանալ ՄԻՊ-ի փնտրտուքին կարող է պարունակել հանցակազմի առերևույթ հատկանիշներ։

Դիտարկմանը, թե չի կարծում, որ եթե ՔՊ-ն իրեն գովեստի խոսքեր է շռայլում, ուրեմն ինքը վատ ՄԻՊ է, որովհետև ինքը պետք է քաղաքացիներին իշխանությունից պաշտպանեն ու դա չեն արել, դրա համար էլ այսօր մարդիկ իր լուսանկարներն են փակցնում ու իրեն փնտրում՝ Մանսայանը պատասխանեց, որ քանի որ հնչեցվող յուրաքանչյուր հարց իր մեջ իրավունքի արժեքներին հակասող որոշակի գաղափարկեր է պարունակում, նման հարցերի չի պատասխանի։

Աղբյուր` Փաստինֆո