Փաստ ինֆո

«Կուզեմ արյան գետեր հոսեն»՝ դեռ չորս տարի առաջ ոստիկանությանն իր ծննդավայրի մարդկանց պատժելու հանձնարարություն տվող արյուն տենչացողն այն նույն անձն է, ով այսօր Արմավիրի սևբերետավորներին ուղարկել է Կիրանց գյուղ՝ գյուղն օղակի մեջ առնելով՝ Կիրանցի բնակիչների կամքը կոտրելուն ուղղված գործողություններ իրականացնելու։

Այդ չարանենգ գործողությունների համատեքստում է Բագրատ Սրբազանի մուտքը գյուղ արգելելը, մինչդեռ Կիրանցի գյուղացիների ՝ իրենց բնօրրան-հայրենիքում ապրելու իրավունքը աստվածային և սրբազան է։ Անպատկերացնելի է, որ Աստծո՝ արդարության և բարության խոսքը մարդկանց ներկայացնող, պարզաբանող անձը մարմնավորող Տավուշի սրբազանը՝ Բագրատ արքեպիսկոպոս Գալստանյանը Կիրանց գյուղ մտնելու և իր հոտի մարդկանց հետ հանդիպելու, նրանց որպիսությունն իմանալու համատեքստում այսօր սևբերետավորների պատնեշի է հանդիպել։ Իրականում՝ հայ մարդուն, քրիստոնեական վարքաբանությանը անհարիր պահվածքի մասին է խոսքը, որպիսին սևբերետավոր ոստիկանը դրսևորեց Բագրատ Սրբազանի հետ երկխոսության ժամանակ։

Որտեղի՞ց իմանան իրենց տան, հողի և հայրենիքի համար պայքարողներին ճնշելու եկած սևբերետավոր, նաև՝ անսիրտ և անհոգի ոստիկանները, որ երեք տասնամյակ առաջ Հայաստանի Կիրանց, Ոսկեպար գյուղերի համար ինչ մարտեր են մղվել մեր իրապե՛ս հայրենանվեր ոստիկանների ջանքերով։

Այն ժամանակ ոստիկանը երկիր և պետություն պահող էր, մինչդեռ այսօր պետությունն ու պետականությունը, ՀՀ քաղաքացին արժեք չեն ներկայացնում քպական իշխանության «բարեփոխված» ոստիկանների՝ սև ու կարմիրբերետավորների համար․․․

Այն, ինչ այսօրվա ոստիկաններն իրականացնում են Կիրանցում, ոչ այլ ինչ է, քան՝ ահաբեկչություն տեղի ժողովրդի նկատմամբ։

Հրաման ու հրահանգ տվողը, թե՝ կուզեմ արյան գետեր հոսեն, այսօր էլ նույնն է:

Ոստիկանական ուժերին դուխ տվող սույնը՝ նույնն է։ Ո՞վ են էս անպատիվները, որ արատավորելով հայ ոստիկանի անունը՝ բռնի ուժ են գործադրում ՀՀ արժանապատիվ քաղաքացիների, Կիրանցի՝ սեփական տունն ու գյուղը պաշտպանող հայի հանդեպ: Տավուշի հոգևոր հովվի առջև պատ են կազմում՝ արգելելեվ հանդիպել իր իսկ հոտին։

Ոստիկաննե՛ր, սև ու կարմիր բերետավոր, դուք կոչված էք ՀՀ քաղաքացու անվտանգությունը պաշտպանել, դա՛ է ձեր թիվ մեկ գործառույթը։ Պետությունը մի նույնացրեք իշխանության /ընդ որում, թրքահպատակ / հետ, ձեզ ստրկական կախվածության մեջ մի դրեք։

Աղբյուր` Փաստինֆո