Փաստ ինֆո

Տվյալ երիտասարդը վերջին ժամանակաշրջանում աչքի է ընկնում իր «առաքելությամբ»՝ եկեղեցու վարկաբեկման, ինչն ինձ համար անընդունելի է, կարծում եմ նաև՝ շատերի համար նույնպես։ Այս մասին ասել է Լևոն Քոչարյանի օգնական Արթուր Սուքոյանը՝ մինչև իր կալանավորումը։

«Այդ նույնը փորձում էի իրեն բացատրել, երբ պատահական տեսա ԱԺ բակում, մոտեցա և սկսեցի ասել, որ, երբ թիրախավորում են եկեղեցին, արշավ են սկսում եկեղեցու դեմ, դա ինձ համար որպես հայ, որպես քրիստոնյա՝ անընդունելի է և որպես հայ իմ պարտքն եմ համարում՝ պաշտպանել և ոչ միայն եկեղեցու կողքը լինել, այլ՝ թիկունքում լինել։ Այն մարդը, որը պիղծ բաներ է վերագրում եկեղեցուն և հոգևորականներին, դա բարոյազուրկ պրոցես է, ինչին ի պատասխան նույն մեղադրանքն իմ նկատմամբ հնչեց, դրան ի պատասխան ես նրան մեկ անգամ հարվածել եմ, նա ընկել է գետնին։ Ես նրան չեմ մոտեցել, գետնին չեմ խփել։ Նա ոտքի կանգնեց, սկսեց ինչ-որ բաներ բղավել, բայց սադրանքներին չեմ տրվել, ոչինչ չեմ արել, որովհետև առհասարակ իմ այդ մեկ խփելուն էլ շատ կողմ չէի, բայց գիտեք՝ կարմիր գծերը, որ այսօր մարդիկ անցնում են, ինձ համար շատ ցավոտ է։ Ինձ համար շատ ցավագին է, որ թիրախավորված է ՀԱԵ-ին, հատկապես՝ ՀՀ-ում և հայերի կողմից»,- ասաց Արթուր Սուքոյանը՝ հավելելով, որ տվյալ երիտասարդը մինչև վերջ չհասկացավ՝ ինչն էր իր բողոքի պատճառը։

Աղբյուր` Փաստինֆո