Փաստ ինֆո

Երևանում ընթանում է Երևանի նախկին քաղաքապետ Հայկ Մարությանի «Նոր ուժ» կուսակցության հիմնադիր համագումարը։ Կուսակցության գաղափարական հենքը սոցիալ-ռեֆորմիզմն է։

Լրագրողների հետ զրույցում Մարությանն անդրադառնալով Տավուշում տեղի ունեցող գործընթացներին՝ ասաց, որ Տավուշի դեպքերը չպետք է տարանջատել ընդհանուր այսօրվա խնդիրներից, որոնք հետևանք են գործող իշխանության անհետևողական, չմտածված գործողությունների։

«Տավուշով չի վերջանալու, Տավուշից հետո Ադրբեջանը նոր պահանջներ է դնելու։ Սա նշանակում է, որ հարցը պետք է գլոբալ լուծվի ու այս իշխանությունը այլևս լեգիտիմություն չունի, որ զբաղվի Հայաստանի համար կարևոր գործերով՝ այս իշխանութունը պետք է հեռանա, քանի այս իշխանությունը գործում է, քանի Նիկոլ Փաշինյանը իշխանության է՝ Հայաստանի համար լավ չի լինելու»։

Հարցին, թե ինչ են իրենք առաջարկում՝ Մարությանը պատասխանեց, որ կկարողանար հարցին պատասխանել, եթե իմանար, թե ինչ է բանակցում երկրի վարչապետը։ «Բայց ես չգիտեմ, թե ինչ է բանակցում, ինչ խոստումներ է տվել, որ հիմա կատարում է, միգուցե, չի տվել, հիմա է տալիս, բայց ամենակարևոր հարցը նաև այն է, որ որ եթե մեր հարևաները կամ թշնամիները նորանոր պահանջներ են դնում, ու մենք որպես պետություն իրավունք չունենանք այդ պահանջները կատարելու և նրանց ագրեցիան վերածվի շատ ավելի մեծ մասշտաբների ու մենք ստիպված լինենք մտնել այդ պրոցեսների մեջ, մենք պետք է հասկանանք, որ այս իշխանության ղեկավարման ներքո մենք չենք կարող մտնել պատերազմի մեջ, քանի որ այս իշխանությունն արդեն ցույց է տվել որ իրենք ունակ չեն պատերազմ վարելու»։

Աղբյուր` Փաստինֆո