Փաստ ինֆո

«Շողակաթ» Հ/Ը կա, էդ ի՞նչ հեռուստաընկերություն է, ո՞ւմ է պատկանում այդ հեռուստաընկերությունը, ի՞նչ պիտի եթեր տա, ի՞նչ է եթեր տալիս, ինչի՞ մասին է առհասարակ։ Այս մասին ԱԺ-ում հարցրեց ՔՊ-ական պատգամավոր Վահագն Ալեքսանյանը՝ Հեռուստատեսության և ռադիոյի հանձնաժողովի նախագահ Տիգրան Հակոբյանին։ Հակոբյանը նշեց, որ ժամանակին այդ ալիքը կոչվում էր հոգևոր մշակութային ալիք, սակայն նոր օրենքը ուժի մեջ մտնելուց այդ ալիքը պետք է հեռարձակի կրթամշակութային հաղորդումներ։ «Այսինքն, այն իր ուղղվածության՝ հոգևոր չի։ Մենք մեկ անգամ ընդամենը պաշտոնական նամակ գրեցինք խորհրդի ղեկավարին, և ի պատասխան ստացաք սղագրությունները հաղորդումների։

Այսինքն, և կրթական, և մշակութային բաղադրիչը մեծ տեղ ունեն, բայց ամենակարևոր բաղադրիչը իհարկե եկեղեցական բաղադրիչն է։ Մենք գտնում ենք, որ դա պետք է նվազեցվի և պետք է ավելի շատ լինեն այն հաղորդումները, ինչի համար «Շողակաթը» ֆինանսավորվում է պետութունից, դրանք կրթական գիտական, մշակությաին հաղորդումներն են։ Ամեն դեպքում, մենք էլ ենք գտնում, որ օրենքի հետ որոշ անհամապատասխանություններ կան»,-ասաց Հակոբյանը։

Ալեքսանյանը արձագանքեց, որ սա նշանակում է, որ հանրային հեռուստաընկերություն է, որը ֆինանսավորվում է պետության, հարկատուների կողմից, և փաստացի պետք է կատարի որոշակի գործունեություն, բայց հանդես է գալիս որպես հոգևոր ալիք։ Իհարկե, հոգևորը վատ չի, բայց ՀՀ հարկատուների հարկերն էլ պետության փոխերն էլ ֆինասավորում է ու խնդիր ունի նրա հետ՝ թե ինչ պետք է լուսաբանվի ու ինչ է լուսաբանվում»։

Հակոբյանը տեղեկացրեց, որ Մայր Աթոռն էլ ֆինանսավորում ունի։ «Բավական մեծ գումար նաև Մայր Աթոռն է հատկացնում։ Այդ հեռուստաընկերությունն անգամ այլ շենքում է տեղակայված և որոշակի ինքնավարություն ունի հանրային հեռարձակողների շարքում»։

Աղբյուր` Փաստինֆո