Փաստ ինֆո

Տարբեր միջազգային դերակատարներ դրական են արտահայտվել սահմանազատման և սահմանագծման, այսպես կոչված, գործընթացի մասին, բայց ի՞նչ են իրենք ողջունում՝ պարտադրանքի, ուժի կիրառման արդյունքում մեկնարկած գործընթացը՞։ Իրենք շատ լավ հասկանում են, որ սա ապօրինի գործընթաց է և բացարձակ չի նպաստում մեր տարածաշրջանում ո՛չ կայունությանը, ո՛չ խաղաղությանը։ Այս մասին «Փաստինֆոյի» հետ զրույցում ասաց ՀՀ ԱԳ նախկին նախարար Արա Այվազյանը։

«Պետք է գիտակցել, որ այսօր միջազգային հարաբերությունները առաջ են մղվում ուժի գործադրման միջոցով և դա այնքան կշարունակվի՝ ի հաշիվ մեզ, մինչև Հայաստանը ցույց կտա, որ ինքը կարող է ուժին ներկայացնել հակաուժ, որ կարող է կասեցնել այս կործանարարար գործընթացը»,- նշել է դիվանագետը։

Արդյոք տեղի ունեցող գործընթացները մեր դիվանագիտության պարտությունն է՝ հարցին ի պատասխան նախկին արտգործնախարարը հիշեցրեց սահմանազատման հանձնաժողովի նախագահի և անդամների հայտարարությունները, որոնք ընդամենը վերջերս հայտարարում էին, որ դեռ հստակեցված չեն սկզբունքները և հարակից բոլոր փաստաթղթերը։ «Բայց մենք տեսանք, որ մեկ օրվա ընթացքում որոշվեց, որ այդ գյուղերը պատկանում են Ադրբեջանին և գործընթացը կյանքի է կոչվում, ես կարծում եմ՝ քաղաքական որոշում է եղել»։

Դիտարկմանը, թե Հայաստանի և Ադրբեջանի ղեկավարների անմիջական կապը այդ գործընթացների հետ առնչություն ունի՝ նկատի ունենալով, որ հենց կառավարությունը հաստատել էր, որ Ալիեւի ու Փաշինյանի աշխատակազմերի միջեւ գոյություն ունի ուղիղ կապ եւ այն գործում է՝ Այվազյանն արձագանքեց՝ հենց դրա համար էլ կարծում է, որ դա ոչ թե դիվանագիտական, այլ քաղաքական որոշումների արդյունք է։

Մանրամասները՝ տեսանյութում

Աղբյուր` Փաստինֆո