Փաստ ինֆո

 «Օրվա իշխանություններն ասում են՝ էս էլ տանք համբերենք, որ հետո լավ լինի։Հովհաննես Թումանյանի Չարի վերջը հիշեցի, որ հայտնի հերոսը անընդհատ զիջելով, սեփական ձագին գիշատչի բերանը տալով, վերջում նոր հասկացավ, որ վերջին ձագին փրկելու համար պիտի պայքարի»,- ՀՀ ԱԺ հայտարարությունների ժամին ասել է «Հայաստան» խմբակցության պատգամավոր Թադևոս Ավետիսյանը։

Նրա արձանագրմամբ՝ հիմա սա է մեր երկրի իրավիճակը՝ մի կողմից սահմանազատում ենք, բանակցում ենք, թուրքին գովում ենք, մյուս կողմից ուզում ենք բարեկամություն անել, թուրքից գազ գնել, բայց թուրքը կրակում է կոնկրետ Երասխի միջազգային կապիտալով ձևավորված նոր ձեռնարկության վրա, ստիպում, որ այդ ձեռնարկությունը տեղափոխվի, օտարերկյա ներդրումը մեր երկրի սուվերեն տարածքում ուղղակի փակվի։

Ավետիսյանը հիշեցրեց նաեւ Սոթքի ոսկու հանքավայրի աշխատակիցների գործազուրկ դառնալը, Կութ համայնքի արոտավայրերի և խոտհարքների ադրբեջանական օկուպացիայի ու նշանառության տակ հայտնվելը, Վարդենիսի տարածարջանում նորակառույց ջրագծերի և բազմաթիվ այլ ենթակառուցվածքների կորուստը՝ արձանագրելով, որ թուրք- ադրբեջանական տանդեմն օրակարգ է թելադրում մեր երկրի տնտեսական տարածքում։

«Ի՞նչ եք արել այս ամենի համար և արդյո՞ք Դուք համոզված եք, որ զիջելով և կարևորագույն անվտանգային շահից հետ կանգնելով, թուրքը բավարարվելու է և թողնելու է, որ մենք կարողանանք ապրել»,- իշխանություններին ուղղված հռետորական հարցադրում հնչեցրեց Թադեւոս Ավետիսյանը։

Աղբյուր` Փաստինֆո